網上FB群組近日流傳一則帖子並且附上圖片，帖子表示「今日終於見識到傳說中嘅碰瓷黨Iphone 版，咁啱啱頭先就喺銅鑼灣Times Square大電視下邊，有個女人係我一轉身嘅時候隊咗隻手出嚟，跟住我就見到一部電話喺地下，佢就捉住我話佢係遊客，而家我整爛咗佢部電話怎麼辦？我好有禮貌咁問佢咁你想我點算？ 佢就同我講可唔可以賠返錢俾佢換屏幕，我好快就答應咗可以，佢話佢淨係得微信，我話冇問題，佢就攞出另一部電話開咗個微信帳號俾我，叫我微信支付，跟住好有禮貌咁望住佢部電話微笑，跟住佢唔耐煩就問我點解仲唔過錢，我就用我啲正宗香港地道夾雜着小小潮州話嘅國語同佢講，你是不是要微笑支付？而家我笑咗啦你仲唔走？ 跟住佢話我玩什麼？我就同佢講我聽唔明你講乜，不如我而家報公安，佢就即刻走啦」。
帖主表示在銅鑼灣疑似遇到碰瓷黨，聲稱被撞跌手機後，即場要求賠償維修費，並指定以電子支付過數。對方自稱是遊客，手機因被撞跌而需要更換屏幕，並即場亮出另一部手機，要求以微信支付賠償維修費，帖主以一句語帶幽默的說話拖延時間，並且聲稱「聽唔明」，最終提出報警處理，結果對方態度即時轉變，迅速離開現場。
帖主附上的圖片中可見，一名背向鏡頭身穿紫色長袖衫及藍色長牛仔褲的女子，相信是涉事的「手機碰瓷」女子。
不少網民認為，銅鑼灣時代廣場一帶由於人流密集步伐急促，加上不少市民低頭趕路，騙徒只需輕輕製造肢體接觸，再配合一個跌手機的動作，便足以營造出「你撞到我」的假象。