網上社交平台threads昨天 (3月19日) 流傳一則帖子並且附上圖片及手機視頻，帖子題為「導盲犬」，帖主指出「岩岩一上車，見到個拎住導盲犬叔叔俾人鬧，其他乘客都好好幫叔叔，然之後隻小狗好驚夾曬尾，睇到唔開心」。
帖主其後更補充「真係好慘，平時導盲犬肯定瞓低或者趴低，知道保護主人即刻企起身，但條尾呃唔到人，夾晒尾表示好驚驚，但隻小狗好醒一到站就即刻走向門口，頭也不回咁，帶主人走，仲帶主人搭升降機，叻過我」。
另一位目擊者則留言表示「由旺角鬧到去葵芳」、「兩個叔叔都好激動，係咁粗口互片，冇誇張，應該幾卡車廂都聽到鬧交嘅聲音」。
該手機視頻中可見，坐在座位的失明叔叔似乎正在動氣，導盲犬則無精打彩地在主人身旁守候，一名港鐵男職員在場處理。
網民：好可怕嘅無知
事件引來網民熱議，紛紛批評阿叔乘客對待導盲犬的態度離譜，「狗狗條尾dup晒，佢以為自己做錯事.. 其實明明已經有個港鐵職員喺隔離，做乜要鬧人？」、「其實導盲犬真係好乖好得意，點解要鬧佢哋，佢哋唔會亂咁吠，都唔會咬人」「心痛隻金毛仔」、「個人要幾無知、幾無品先會嘈個視障人士同隻導盲犬」、「好可怕嘅無知」、「香港真係有好多唔文明嘅人」等。
港鐵：當時有乘客就攜帶導盲犬乘車持不同意見
港鐵表示，3月18日晚上約10時，港鐵職員於一列荃灣綫列車上處理乘客求助，當時有乘客就攜帶導盲犬乘車持不同意見，經職員勸喻後雙方繼續行程，而職員亦一直陪同該名視障人士完成車程。
港鐵指出，目前視障乘客可攜帶導盲犬進入鐵路處所範圍，輔助他們使用鐵路服務，希望乘客互相尊重，共同營造舒適及友善乘車環境。
《香港鐵路附例》
根據556B章《香港鐵路附例》第28條，除港鐵公司行使其絕對酌情決定權許可或准許者外，任何人不得將任何動物或其他禽畜帶進或帶上鐵路處所任何部份，但「陪同失明人的引路犬則不在此限」。