網上近日流傳一段由巴士司機上載的車Cam片段，拍到一輛粵車南下的內地私家車在屯門一個路口疑似無視交通燈號及路面指示，違規右轉駛入公路，行為引起不少網民不滿，直斥「危險又離譜」。
粵車南下內地司機唔睇燈行錯路
影片被網民轉載，帖文寫上「巴士司機嘅憤怒」。從影片畫面可見，事發地點相信位於屯門一帶的主要交匯處。當時路口設有清晰的行車線及交通燈號，地面亦有黃色影線區及箭嘴標示。片中一輛白色私家車原本位於左邊行車線，卻在不適當的位置突然向右切線，橫越路口作出右轉動作，明顯與現場交通安排不符。
拍攝片段的巴士司機即場不滿表示：「呢個位唔轉得右㗎」，語氣明顯帶有驚訝及不忿。從畫面所見，涉事私家車右轉時，對面方向仍有車輛及巴士行駛，幸好未有即時發生碰撞，但情況相當驚險。
網民批評涉事司機
片段上載至車Cam群組後，引來大批網民留言。有網民批評涉事司機「唔睇燈、唔識路仲夠膽亂轉」，亦有人質疑：「考嗰啲識路科目一二三係買返嚟㗎？」；亦有留言指出，粵車南下司機對本港路況不熟，但不應因此忽視交通規則，「唔識路可以慢慢行，唔係亂轉」。亦有網民擔心類似情況會愈來愈多，認為有關部門應加強針對粵車南下的道路安全教育及執法，避免因誤判路線而釀成意外。