網上FB群組近日瘋傳一段手機視頻，可見一名手持枴杖的阿叔攜電動行李箱闖入港鐵站，遭職員攔截後狡辯稱屬「輪椅」，其後更驚動多名警察到場引發激烈爭辯，該名阿叔更輕佻表示「告我囉!」。

該手機視頻可見，一名手持拐杖、身穿綠色上衣的男子，攜帶一個銀色電動行李箱在一港鐵站內，被多名職員及警員截停。影片開首一名警員大聲向拐杖男指出「我話畀你聽𠵱個唔係輪椅，你聽唔聽到，你話係輪椅就輪椅呀！你話係呀！你有冇搞錯？你個腦係咪有問題呀？」拐杖男態度輕佻回應警員「你個腦有問題呀，輪椅都入得，我呢個唔入得呀？」其後，警員取起電動行李篋放在欄杆上，詣問現場圍觀的市民「咁多位街坊，你話畀我聽呢個係咪輪椅？」拐杖男其後改口表示「我𠵱家拖篋咋喎！我𠵱家拖篋咋喎！」其後手指警員「我𠵱家唔係輪椅！」警員向他表示「你唔好再同我強詞奪理喇！」

一名身穿黑衣女子問拐杖男「係咪電動呀？」柺杖男辯稱「我閂咗咪唔係電動囉！」現場有人指「危險呀！」拐杖男則反駁「危險，咩危險呀，國家出呀，3C法例呀，我搭飛機去加拿大來回都得呀，明唔明呀！嗰個唔合格，呢個合格呀！」此時，警員再三向拐杖男表示「呢張唔係輪椅！」拐杖男怒稱「我𠵱家拖篋、我𠵱家拖篋、𠵱家拖篋」；警員向他表示「我頭先叫你細聲同我講嘢，你點呀？」拐杖男反問警員「咩呀！你嬲呀？唔啱咪告我喇，告我囉，告喇告喇，你鍾意就告喇！我要法官，我要問法官，議員我問咗2個喇，議員叫我等，我要搞大佢，登報紙，個個都係傻嘅！」其後另一名警員上前勸拐杖男冷靜，他稱「返屋企咪冷靜囉！你𠵱家唔畀我行呀！」手機視頻到此結束。