房署早前為打擊濫用公屋情況，推出奬金制度鼓勵市民舉報，近日有港女網民在社交平台上發帖聲討「由細睇住我大」的鄰居，因見她駕駛寶馬出入，便向房署舉報其家庭為「公屋富戶」，引起網民廣泛討論。
該名港女網民近日於網上社交平台Threads發帖講述述疑被鄰居「篤灰」為公屋富戶的經過，她透露涉事公屋單位現時僅以其嫲嫲一人身份登記，由於其嫲嫲深信該單位風水好「話住呢間公屋一直都身體好好，話搬屋佢會好快死，所以唔俾我地抽綠表，而係抽白表」，因此堅決不願遷出，事主一家只好以白表資格另行購買居屋自住，而新居與公屋只約20分鐘路程。為了方便照顧嫲嫲，事主每日收工後會將其寶馬座駕停泊在公屋停車場，再到嫲嫲屋企吃飯，假日就會偶爾留宿，她懷疑此舉引起了一位「由細睇到佢大」的鄰居Auntie (A) 注意及誤會，她形容，A近年每次見面，第一句總是問「返咗咁耐工，都應該好高人工啦？」，令她感到非常尷尬。
其後，她突然收到房屋署通知要上門家訪，理由是「有人見到你哋揸豪車出入」，懷疑她們一家濫用公屋。家訪當天，房署主任直接表明收到舉報，但經了解後，確認單位住戶只有長者一人並無違規，事主亦當場承認該輛「豪車」實為她本人的座駕，但她並非該單位住戶，因此無需申報。事主續指，她懷疑並堅信舉報者就是這位Auntie，因為她曾在樓下目睹她駕車，更向其嫲嫲稱讚事主「叻女」，又指她駕駛的是「寶馬名車」。事主認為，這位Auntie由於有個「隱青」女兒，與她們一家的生活形成對比，出於妒忌而作出舉報，認為「佢應該係心理唔平衡，我哋個個都生生性性，佢自己個女就做隱青想搞走我地間公屋」。
網民：做足自己就唔怕人篤
事件引發網民熱議，不少人留言並且表示「憎人富貴嫌人窮」、「自己個女冇本事，就睇唔過眼人哋啲仔女有本事囉」、「為咗個3K乜都做得出」、「住公屋有個好地地正常嘅鄰居都唔珍惜」等。
另一方面，有網民表示「做足自己就唔怕人篤」、「如果冇公屋戶籍，其實唔可以留過夜，even一晚都唔得」等。
舉報濫用公屋
房署已設立「舉報濫用公屋獎」，實名舉報若成功令住戶被發出遷出通知書，可獲最高3000元現金獎勵。
舉報濫用公屋可透過房屋署或房協網站、熱線 2712 2712、或直接向屋邨辦事處舉報，常見濫用包括長期丟空、分租、或持有物業等。