大埔曾經是燒烤場集中地，可惜近年風光不再，生意日漸轉差。繼早前曾報道過位於大尾篤「鴻運燒烤煌」於四月結業後，另一間人氣燒烤店「巴希雅海灣重慶燒烤」，近日亦在其社交平台專頁，傳出易手消息。
「巴希雅海灣重慶燒烤」，是大埔的人氣燒烤店，在大埔區內滿有名氣，經營接近二十載。與傳統港式燒烤不同，它是以重慶燒烤的模式自居，即是食客會利用桌上的長型炭爐，配搭一串串的燒烤食材烤製食物，當年因為模式新穎，深受客人歡迎。
可惜，燒烤店始終敵不過被「時代抛棄」，日前在社交平台專頁宣布將會易手。老闆更心淡拍片，道盡生意慘況：「我昨日營業額才八百多元。唉！當時代要拋棄你嗰陣，真係連再見都唔會講。」
老闆還稱，現時一天可能只得四、五個客人。片中所見，「巴希雅海灣重慶燒烤」人流的確冷冷清清，與當年人氣旺盛時期，差別極大。
大埔人氣燒烤巴希雅海灣重慶燒烤易手｜網民直指員工態度差趕客 嘢好食都無用！
不過，帖文一出，似乎普遍網民都不表同情，不少網民在燒烤店專頁留言，均稱員工態度差，直指「幾好食都無用！」
「老闆，可能你哋作風如是！咁咪有咁嘅結局！坦白講：你無問題，只不過你的無為管治，令到你啲工作人員完全無服務，態度惡劣！」
「有車既都北上咗去食串燒、無車既又唔會成日入嚟食！」
「我哋成日都幫襯你隔離，有一日隔離休息，我哋就去幫襯你哋。員工態度惡劣唔在講，去得燒烤都係想開心，你班伙記個個黑口黑面，食物味道同種類都比唔上隔籬。仲要行到去好遠先攞到嘢食，燒烤係限時㗎，行完幾轉就已經夠時間。」
「其實有無檢討過員工啲態度，嘢好食都無用！」
「員工態度差到好似欠咗佢咁，仲想有生意？」
老闆最後亦有留言激勵自己：「感謝大家的關心及反饋🙏，間舖未來我會交俾我啲後輩打理，相信佢哋會越做越好。最後一個月的時間我會繼續堅守，把控好出品同服務，大家得閒可以嚟試吓！」
「夏天戶外燒烤、唔係個個頂得順😂。」
「老闆。。。你要身體健康呀!👍🏻👍🏻👍🏻」
「做好服務，口碑好，人流自然會多…！加油！💪💪💪💪💪。」
圖片來源：「巴希雅海灣重慶燒烤」專頁