屯門鄧姓9個大女嬰「小雪兒」，今年1月25日在社區保母照顧期間昏迷，送往屯門醫院搶救。醫院職員其後發現她傷勢不尋常而致電報警，警方經調查後，相信女嬰由鍾姓33歲女子照顧期間，曾被鍾女不恰當對待，兩日後（27日）以涉嫌對所看管兒童或少年人虐待或忽略將她拘捕，其後獲准保釋候查。
小雪兒一直留院治理，其父母接受教育界KOL呂校長訪問時泣訴，小雪兒經開腦手術暫時保命 ，但情況不樂觀，將永久傷殘失明，且稍後還需進行大手術。
據鄧父稱，事發當日他們趕到急症室，醫生表示女兒腦部有瘀血，要做緊急開腦手術：「醫生話BB全身得700毫升血，個腦有100毫升。佢話『無得諗，否則今晚都過唔到』。」他們只得簽名同意。
手術後醫生也解釋不到傷勢是如何造成，但經檢查認為並非先天性因素。鄧父說：「因為沒有表面傷，一般腦出血90%是撞親，例如撞車或者跌倒。」而女兒當時是在單位內由保母照顧。
小雪兒媽媽訪問中數度泣不成聲，她哭說：「（那一刻）即時崩潰，心想應該唔係我個女嚟嘅，搞錯咗啫！明明朝早同佢玩緊，點會突然間要死呀依家?」 她形容腦出血的情況非常嚴重：「整個左邊腦全部覆蓋住，連帶右邊腦都係，腦部壓埋一邊，因為血（量）太誇張，還有腦缺氧。」
小雪兒手術期間取出了頭骨，現時她的腦部只是用皮包住，「打針槍圍住，無骨，拋晒出嚟，變晒型」；而且因為嚴重出血，範圍好廣，醫生坦言情況不樂觀、不理想，現在她吸收到的只是光和影，好大機會失明。「醫生話佢行醫幾十年，未做過呢類手術，唔敢去落刀，叫我哋多啲祈禱，相信有奇蹟出現，依家只能等奇蹟咋…」
小雪兒父母至今也不敢將雪兒的實際情況，告訴家中長輩，「我哋瞞住，扮冇事，唔敢畀老人家知，佢哋年紀咁大。佢哋好傷心，咁多年未見過佢哋喊。」
目前，小雪兒的右邊腳出事後不能郁動，狀態如中風，「醫生話永久傷殘和癱瘓，腦癱的狀態」家人找來中醫針炙，舒緩腳掌的張力，令情況稍為緩和。可是最令人擔心的是，小雪兒還將接受大手術，包括放回自己真正的頭骨，但係會有生命危險，雪兒媽媽泣說：「要重新開個腦，個頭骨會溶，會自我吸收；溶咗，要再開腦放人工物料， 全身麻醉要落好重的藥，要控制得好好。呢關阿B都未必捱到，都未講落刀嗰下。」
她形容女兒「每日每刻都在行刑，不斷畀人折磨，我唔敢望佢，每日畀人折磨。每次望住喺床邊，想佢快啲返屋企，快啲好返，不停求醫生醫返好個女。」但醫生已着家人要有心理準備。
她痛心之餘，更因為事件的成因不明，而感到懊惱和內疚：「原本佢（女兒）冇嘢，嗰日仲好開心，我抱完佢話：『你乖呀！媽咪返工，今晚返嚟煮嘢畀你食呀！』點知嗰一晚就咁樣，（醫生）同我講『你唔做呢個手術會死嗰喎！』」
據悉，涉事保母所屬的仁愛堂，至今沒有向女嬰父母有任何回覆或交代。呂校長希望成立「小雪兒關注組」，盼外界有支援可給予家人。
