《東張西望》昨晚報道一名30歲化名Ronald的苦主，因為不敵性感大肚按摩女郎色誘和哄騙欠下巨債，本金連利息如今欠債接近100萬，但竟然仍然獲女朋友阿儀（化名）不離不棄，東張主持魏柏豪被傳媒大讚其勇闖按摩師家屬追數，事件在網上引起廣泛討論。
30歲的Ronald身材肥胖，是很多人口中的「宅男」，他自己也承認：「其實都係衰咸濕啦，都冇得否認呢件事！」
他4年前於社交群組內見到有按摩服務的資訊，認識的按摩技師「小希」，對方看上去年紀輕輕，但自稱身懷六甲，所以常常要籌錢，雙方更因此進行過不道德交易！
「識咗大概兩年到啦，舊年年頭佢開始問我借錢，佢話自己生咗仔啦，其實屋企冇錢。因為佢有話佢男朋友入咗戒毒所，臨入去之前呢，就將啲錢攞走晒，所以佢自己冇錢啦。」
Ronald聲稱，小希講到自己身世可憐，因為要照顧孩子，常常要籌錢， Ronald最初對小希的借錢理由深信不疑，但是慢慢越來越誇張，例如說自己懷疑有乳癌，Ronald一時心軟借給她數萬元應急，但是之後的借錢理由越來越荒謬，例如說自己為陪黑社會人物吸毒，「佢又話自己可能做啲黑社會陪人吸毒品，陪食咁啦，即係陪人點下毒品煙嗰種。陪住啲人食，自己搵到啲錢嘅。」
小希不斷賣慘，更說Ronald如果不幫忙的話會慘被輪姦：「跟住就話保釋又要錢啊，佢話欠人好多錢嘅，佢話你要唔科錢畀我呢，佢就出事㗎啦，然後佢就話佢朋友畀人捉住咗。佢話你唔畀錢我呢，咁我朋友就會畀人強姦畀人輪姦㗎啦。」
萍水相逢為何欠債百萬相救？原來小希不斷犧牲色相，向Ronald發放一些私密部位相片和片段，將Ronald迷得暈頭轉向，結果沉船！小希更寫下這句，又提供家屬的身份證增加可信性，令Ronald相信對方一定會還款。
Ronald承認，當初的而且確有同情，想幫人，但後來借到幾十萬左右，其實已經一心想對方還款，又擔心不再借的話，之前幾十萬化為烏有，所以「唔上唔落」結果越沉越深。
東張西望根據相關資料，最後排除萬難找到了小希的爸爸，但對方聲稱自己與女兒也沒有聯絡至少兩年，沒法提供任何幫助。有輿論讚揚東張西望主持「勇闖家屬公司追數」，聽得出這位爸爸也對女兒的所作所為無可奈何！
至於Ronald女友阿儀的取態如何？詳情請繼續收看以下相關新聞。