去年十月徐小姐睇中咗深井私人屋苑一個六百幾尺三房單位，不但有海景地方亦寬敞，叫價480萬左右，她個人好鍾意，睇咗兩次就落咗十五萬「細訂」，不過佢都做個業主，之前層樓都試過漏水賠咗二十幾萬畀樓下，所以呢一次佢再三同地產經紀確認有冇漏水問題，地產經紀亦問過業主確認。
問清楚後一個月之後徐小姐簽約更畀埋「大訂」，本來今年2月10成交，點知去到一月傳來壞消息，管理處話原來單位一直有漏水問題，更畀人投訴咗十幾年都冇處理過！樓下知佢要賣樓之後，就話要告佢！睇返管理處嘅資料，徐小姐樓下單位的天花的確只2016年開始出現滲水，當時報過食環及屋宇署，但係一直都未有解決，去到上年四月，樓下單位再投訴，雙方仲同意交給食環署再跟進，由開心變到好擔心，你畀人投訴十幾年漏水，冇可能答唔知，本身睇樓時係可以畀你睇，但係畀咗「大訂」之後就唔可以睇，究竟真係唔方便，定係刻意隱瞞？
蘇文傑律師解釋由於錯不在買方，而喺個賣方唔能夠將一個冇瑕疵單位畀買家，理論上除了可以攞返按金之外，甚至可以追討因為未能夠成交，而導致到買家的損失。
其實成交之前發現漏水。徐小姐可以取消交易，不過最終都成交，原來就在成交前兩日前業主代表終於現身，指業主年事已高，而且已經將傢俬搬走或棄掉，如果唔成交的話兩個老人家住酒店又要將物品搬回單立，情況好慘，所以前業主承諾負責所有漏水問題......更提議將筆錢放在獨立第三方的律師樓託管，蘇文傑律師解釋這種做法可解決一個信任度不足的交易。
徐小姐覺得如果先將錢放在律師樓都可以，加上前業主都口頭應承支付維修費用，所以才繼續交易。
徐小姐最終成交後就立即找公證行及工程公司評估漏水情況兼報價，廚房漏水漏情況最嚴重，而且後期曾經改動過，公證行報告亦指出廚房位置漏水相當嚴重；另一個重災區就是主人房廁所， 搵到最平而又有五年保養的裝修公司都需要三十六、七萬的費用，有了報價後徐小姐立即通知前業主，但前業主嫌太貴，更提議一人一半！徐小姐拒絕，之後就按前業主要求找另一間公司財報價，結果要六十幾萬，公證行報價亦都要五十幾萬，再通知前業主之後，前業主從此「人間蒸發」，有心迴避不接電話，徐小姐覺得被騙。
兩個幾月，前業主終於透過律師回覆，不過就反口不會支付工程費用，指公證行測試不符合他們的要求，甚至不承認是單位漏水；另外捉住公證行其中一個報價，就是一千蚊一
照的住宿費。至於託管帳協議，寫明前業主放在律師樓用作維修工程的30萬，原來限期只得三個月！若果三個月內都沒有定案或者開不到工，十萬就會歸還前業主
，餘下二十萬買斷維修責任。
不過大前提係必須證明工程因為單位漏水引起，前業主故意拖近三個月才回覆更否認單位漏水，徐小姐不禁懷疑業主故意拖延，不想承擔任何費用
徐小姐現時最擔心工程如何埋尾，亦擔心隨時被樓下告，層樓被釘契。
東張西望嘗試聯絡樓下單位了解，樓下單位業主回答唔需要理就收線。而前業主代理未能聯絡到。現時前業主聯絡唔到，徐小姐無奈又無助，想搵渉事地產代理協調，他們認為自己沒有責任，甚至提議徐小姐花幾萬元修葺一下，然後再買畀下一家！
蘇文傑律師建議新業主維修好自己單位防止再漏滲，履行應有的責任；裝修完畢後，在搜尋足夠證據，以證明在未成交前漏水而產生的裝修費用，再向前業主追討。