上月G-Dragon在香港舉行3場演唱會，但在演唱會完了後的一個月，竟有多位苦主報東張，他們要爆出一宗可能是史上最大金額的「內部飛」騙局，涉款金額更高達二千萬！
東張西望｜苦主大呻：演唱會界嘅龐氏騙局
國際級巨星偶像輪流來香港開騷，引發一波又一波的搶飛潮，更有好多騙徒以所謂的「內部飛」搵食，已經爆出多宗騙案！有歌迷向《東張》說：「我覺得今次情況係，演唱會界嘅龐氏騙局，而我哋G-Dragon嘅歌迷正正係俾人割韮菜個群」。
由買內部飛嘅散戶、中間「艇仔」，以至核心人物都分別聯絡《東張》，指要大爆「內部飛」營運，我們層層向上追查 ，揭開誰是最終「Bigboss」。
東張西望｜G-Dragon歌迷透過H先生買飛
Bess和朱先生都是G-Dragon歌迷。Bess說：「我係透過親戚而購買，見到佢出好多Post話好多演唱會飛都買到」；朱先生說，「諗住買兩張飛係同女朋友過生日嘅」。朱先生指，自己是在4月尾向自稱H先生的人訂飛，VIP企位官方票價2,199元，每張加500元手續費，尾場再每張加多500，所以兩張飛合共6,398元；至於Bess就是向親戚訂價格的首場門票，每張飛要額外加3,000元，兩張門票合共10,398元。直到8月8號為G-Dragon首場演唱會，但去到開騷前一日卻通知大家無飛！
東張西望｜8月7日突被通知無飛
Bess指，他親戚突然向她表示「等到8月7號親戚話無飛，要等3個星期收回退款」，她亦有其他朋友收到另一邊內部飛通知，指全線都沒有票，因涉嫌有人虧空公款。
朱先生說，「我都有朋友問緊情況點樣，再主動聯絡佢時佢話完場後三星期退款」。直至到8月28號，他再追問退錢事宜，H先生就打一大段文字，指數天內會收到款項，又說銀行已辦好手續。惟9月4日時，H先生卻回覆朱先生，指今次事情「有啲複雜，一路追上面交數」，令退款一再推遲。
朱先生：「喺呢件事上，我係向你付款，我唔會知你內部係咩人，我透過你戶口入錢，我追討係咪問你追討呢；9月5號佢已經無再覆我。」。
東張西望｜苦主群組出現大量苦主受騙
網上亦陸續有不同苦主群組出現，9月4號時，Bess仍未獲得親戚回覆，同時亦在網上見到苦主群組，涉及一位F小姐，於是加入Whatsapp群組。當時苦主群組內有達100多人，有Admin整理表格給大家填寫，以及整合損失金額及報案編號，統計最多一單達30多萬，總共至少約300多萬。
不少苦主當時才知道，自己買飛睇演唱會只屬散戶，屬於「內部飛」運作最下層，而像Bess這樣找親戚買票，她的親戚可能已成其中一層的「上層」，一層層形成一種「金字塔式」內部飛出貨渠道。
東張西望｜「艇仔」同樣被人呃
而《東張》沿着「內部飛」的營運線向上查，由損失金額上亦都反映到黎先生似乎是幫了更多「朋友」拿內部飛的一位「艇仔」。黎先生說：「如果只看今次事件，都超過一百萬。我由年半前開始在商會識咗Q小姐，知道她有內部演唱會飛，有些門票位置好靚，例如最高票價都可以取得好位位，所以都好相信有內部演唱會飛，以及真係幫到手，一直都有合作」。
後來Q小姐離開了商會，黎先生就認識H先生，同樣有拿到演唱會內部飛的渠道！黎先生表示，他在商會和H先生關系更好，因此之後的票都係同H先生去取；謝霆鋒都有3、40張；GEM都有2、30張，或者Jimmy O. Yang都有，比我以前認識一啲娛樂公司朋友，攞嘅數量真係多好多，所以朋友過數俾我落單，我都會即轉俾H先生，佢會即交俾上面落單。」黎先生說，自己會在價格基礎上加添50至150元手續費，作為自己用私人時間處理的付出，而一直H先生出飛都沒問題，通常開騷前兩天就有票到手，再分發出去。
黎先生：「直到八月就只早一天提醒大家，說一張飛都沒有，我當時幫朋友下了300張單，都收不了退款，我全部朋友都好擔心，但不停搵我，因為只可搵我」。
其實唔止G-drangon嘅飛，內部飛預訂係比正式售票早好幾個月甚至大半年，所以好多人一早訂定2026年舉行嘅演唱會，「例如Mama、Blackpink、Ladygaga，之後門票涉及的金額總共超過200萬，我每日都有幾十個訊息要覆，用所有時間處理呢個事情，損失真係好慘重，人生未試過有咁大壓力，失去好多朋友信任，同埋令到好多人失望，個責任都喺自己度，我覺得係好對唔住所有朋友，亦都退唔到錢俾佢哋」。
東張西望｜「內部飛」核心人物主動求訪問
經過群組散戶苦主以及「艇仔」黎先生口中得知，F小姐、Q小姐同埋H先生被視為「內部飛」最上層，甚至係「內部飛」運作的核心人物，正當《東張》想追查之際，三位居然主動聯絡攝製隊，希望可以有機會做訪問，而一見到我地主持，就有人忍唔住情緒失控。
但其實3位「內部飛」最上層，F小姐、Q小姐、H先生，都表示自己不是拿內部飛的源頭，更指自己都是苦主? 明日《東張》繼續和大家一起追查，誰是演唱會內部飛「千萬詐騙Big boss」！