myTV SUPER Chat逢周一、四會有網民留言加入討論《東張西望》內容，剛過去一連兩集報道演唱會門票「走數」騙案，演唱會內部門票苦主群組內，有近百人付款買韓國頂流歌手G-Dragon演唱會門票，結果票拿不到票，又無法退款，每個人都損失數千至過萬元！
昨晚， 三名核心成員（以為是內部門票核心人物），其實只是為了幫更多朋友買票的「艇仔」，在節目中現身大爆幕後黑手及詳述事件內幕始末。
主持「貓仔」黎寛怡加入和網民Chat Chat，她一開始講咗個重點，香港搞盛事經濟，演出場地多咗、位子供應又多咗，門票為何依然一票難求呢？咁點解演唱會得益者，未必是我們一班真金白銀攞錢買飛的消費者？
myTV SUPER Chat演唱會門票走數騙案｜內部認購根本係黑色產業鏈
myTV SUPER Chat就事件開放留言討論，貓仔問大家，「大家有無成功靠自己搵到飛呀」，網民當然暢所欲言啦，有網民好精警咁話：「黃牛黨號召打擊黃牛」、「內部認購根本係黑色產業鏈」！
有網民應該畀人「呃」得多，索性抵制黃牛黨！「寧願唔睇，唔會助長黃牛歪風。」、「好彩我從來唔睇演唱會」。有網民又搞笑稱，「收到假飛已經覺得不幸，原來你已經好幸福，人地連張假飛見都未見過。」
myTV SUPER Chat演唱會門票走數騙案｜只要搞實名制就解決到
其實小編都係追星族，好明白好想近距離見到心儀偶像嗰種期待，誓死要入場支持偶像的決心！所以好認同網民所講：「有時唔買黃牛真係睇唔到，究竟有幾多飛係比公開發售！。」
「點解唔正路買飛？係要識啲唔知乜人去買？」唉，我地夠知啦！所以我地呢啲忠粉，長久以來的集氣願望，當然是：「實名制啦 ，搞實名制就解決到！」
但竟有網民唱反調指：「實名制好麻煩，買嘢又要左攞右攞資料，又唔知會用啲資料做咩，煩到唔想去第二次。」真心咩？