myTV SUPER Chat獨家直播三分鐘，今集有吳幸美坐鎮，和大家愉快Chat Chat！但係，咩事令到幸美變曬樣？
人有三急要當眾小解好無品｜名車旁小便有夠嘔心
出街途中，遇到人有三急的確好難忍，不過咁講，都唔代表大家可以周圍小便噃！近日，有幾位觀眾不約而同地報料，表示見到有不少市民，竟在夜間人有三急當街隨意小便，畀途人撞到正，你話幾嘔心！
某位觀眾報料，有晚於灣仔著名酒家門口，看見三位男士，初初以為他們在路邊談天；望真啲先，原來竟有人在路旁的名車……隔離小便，唔該晒。
另一位觀眾亦報料，某晚，在港島港外線五號碼頭附近，望見有男人「自閉」般式對牆小便，咩事呀？
人有三急要當眾小解好無品｜你以為光天化日無人小便？
夜晚可能人有三急都無咁明顯，你以為光天化日無人通街小解？你以為啦！有目擊者梁先生提供的片段， 他日光日白在彩雲邨對出的巴士站，驚見有位大叔拉開褲鏈，對着垃圾桶忘我小便，熱心梁先生已經即時喝止 ，並指附近商場好多廁所！
梁先生仲話，當時巴士站有有好多女士和小孩等巴士，唉！
人有三急要當眾小解好無品｜網民派嬲：全地球無廁所？
呢壇嘢，當然惹怒網民派嬲！「嘔心，忍唔到去公廁？」、「周街俾人見到真係好咩？」、「好僧男人隨地小便。」、網民激動嬲豬，「全地球無廁所？」你話成何體統！公德心呢！
