早前東張西望報導G-Dragan「演唱會內部飛呃二千萬事件」，不少觀眾看過東張報導後，驚覺自己都是受害者，現時最少有十個苦主群，受害人數高達成千人。導致這麼多人中招，有人認為是艇仔為核心成員賣力，才導致內部飛無孔不入。其中一位被視為核心人物嘅H先生，曾經上東張節目受訪，強調自已是「幫朋友攞飛」。
H先生當時解釋: 「其實如果我幫到身邊，咁咪賺到好多人脈關係。」
不過H先生的前員工陳小姐聯絡東張，聲稱要爆料，指H先生絕對不是幫朋友，而是不斷招攬人做艇仔去「做大個餅」。
爆料者指，H先生是她的前老闆。「我係喺凍肉公司返工嗰陣時開始賣飛」。原本一直在凍肉店工作的陳小姐，突然被H先生要求處理交收演唱會內部門票。「佢當呢個係工作係新嘅發展渠道。佢就講得實牙實齒，好有信心做呢壇野」。
除咗被要求去交收之餘，H先生還曾經利誘陳小姐成為艇仔，只要成功賣出一張票就有佣金300港元。
陳小姐表示，H先生突然跟她講時，令她都覺得有少少壓力。雖然陳小姐拒絕做艇仔，但因為自己同朋友都是G-Dragon fans，所以有向H先生買飛，不過員工都一樣要收黃牛價！「我係4月尾幫佢買，要加多一千蚊先可以買到」。
陳小姐跟朋友總共支付5萬元買飛，但最後飛沒有、錢也退不到，陳小姐還要自己拿錢賠給朋友。
另一位觀眾梁小姐（化名）本身是商會成員，都認識H先生，她指H先生不斷透過不同團體去推銷內部飛。「其實佢sell飛渠道廣泛，包括在車會group都有sell。另外在其他商會都做好多宣傳。」
梁小姐指，H先生又用與許多明星的合照，造成認識很多人的假象，藉此宣傳買演唱會門票一定要找他。
H先生曾表示，演唱會門票在原價上加幾百蚊就已經買到，但梁小姐指H先生同黃牛無分別，例如2000幾飛，一路加8000幾元手續費，這些手續費佢自己袋返，「其實佢搵錢多過GD，如果咁計」。
梁小姐又透露，H先生找商會會員經營賣內部飛副業之餘，還全家出動去做這盤「生意」！
梁小姐又指，H先生的下線都有收錢做推廣工作，最賣力的黎先生也曾上東張受訪。另外有人透過Dorothy去買內部飛。而H先生的老婆和弟弟也有幫手做推廣和收錢。
「東張」也收到觀眾楊小姐表示，有朋友是透過當時導師Dorothy買演唱會飛，她承諾百份百有內部演唱會飛，「仲話無嘅話可以搵返佢去追討」。
楊小姐透過Dorothy加入一個群組，向對方買兩張BLACKPINK的演唱會門票，直至東張西望曝光演唱會飛騙局，知道對方其實無飛交給人。之後楊小姐向H先生追討，但對方聲稱交給律師處理，不作回應。而Dorothy辯稱只是介紹人，與事件無關。但就願意提供自己經營的美容院價值1.5萬元的美容療程作為賠償。楊小姐最後不接受Dorothy提出的賠償方案。
今次G- Dragan內部飛事件爆煲，令許多樂迷受騙，有苦主群向文體旅局局長提交請願信，希望藉今次騙案撥亂反正，正視演唱會票務嘅監管問題。
