Pickleball (匹克球)，是近年香港一項新興運動。因為容易上手，需要的工具不多，新手易於入門。匹克球的熱潮，好快席捲全港。人人興玩匹克球，可是，這項全城熱捧的運動，竟會為市民帶來嚴重的噪音滋擾而不自知？
myTV SUPER Chat，逢周一、四會有網民留言加入討論《東張西望》內容，引爆最熱話題！《東張西望》最近一集，內容講述Pickleball (匹克球)的運動熱潮，卻好快演變成噪音後遺症！
不少市民近期紛紛「報東張」，表示匹克球造成了極大噪音，相當擾民咁話；原來匹克球的熱度深入各區，有人enjoy,，亦有不少人千方百計要避開！
全因為匹克球沒有既定的場地，現階段暫時是與網球場一起共用。由於網球場是設於室外，當市民練習匹克球時，滴滴答答般的聲浪，如像「行刑」一般。
沒有誇張，有居於奧運站私人屋苑的住戶稱，每日朝九晚十遭受不間斷的匹克球噪音滋擾，噪音更達70分貝！
另居於油塘公屋的報料觀眾，稱有試過關窗，但噪音情況毫無改善。加上匹克球持續練習時間長，有一日打波更持續14小時，有夠誇張。
事實上，匹克球運動越來越普遍，如球場在法定時間內運作和練習，打波是不受規管的。但匹克球運動，與居民逐漸受到運動聲浪滋擾的對立局面，短期內似乎不能打破。
希望有關當局盡快能在香港的匹克球場地，安裝減低噪音滋擾的措施，至少能追縱噪音水平。
其實，外國也有類似案例，新加坡一年之內接獲超過700宗匹克球噪音投訴，相關部門其後採取措施，限制球場使用的時間。
myTV SUPER Chat全城熱捧匹克球噪音極擾民｜網民揶揄：心情好就無問題，當節拍！
不少網民也替居住在網球場上的住客可憐，時時刻刻聽到匹克球的滋擾，感同身受地留言：「其實打網球都好嘈，又大叫大鬧人好擾民！」(更何況匹克球呢！)
「真係好嘈架咩？」、「Pickleball我聽過，無玩過。」
「無辦法，康文署無專係匹克球的場地。」
「心情好就無問題，當節拍！」
「朝早七點開始打波，真係騷擾人休息！」
同時，亦有網民持相反意見：「但係你買樓都知樓下有球場啦。」
「咁全世界都唔運動啦！」
「咁都投訴？咁全世界係屋企活動好囉。」