霸位已經唔啱，仲要人肉霸位就更唔啱！有人用雪糕桶霸位，有人用凳仔霸位，估唔到最近仲有人「人肉霸位」，有網民在社交平台貼文，投訴屯門一個泊車位被「人肉霸位」最真實過程，從片段可見，一個阿姐企在一個泊車位前面，司機想駛進去泊車，但這位阿姐耍手擰頭，拒絕讓開，擾攘一輪，司機忍不住向她表示，車位是比車泊，不是比人泊的，引來一眾網民熱烈反應，有人叫司機不要讓，有人又説點解可以如此不要臉，更有人講笑叫司機俾油，攝製隊今日來到屯門井財街，原來這裡真的好難泊車，難怪有人會人肉霸車位，附近司機都講到一肚氣，有人説今次事件中的阿姐是慣犯，人肉霸位時不時都在這裡上演

近日，有沙田居民在Facebook群組上發文，以「人多上車，係都唔讓座，自私行為」為題，指1名老婦坐在巴士下層右方靠窗邊座位，而其帶着的餸菜「霸位」了旁邊座位一半位置，或會導致其他有需要的乘客無法就坐。
有網民覺得離譜，「好多呢啲人」、「好似佢坐先，兩個位都係屬於佢咁」、「最慘攞起啲菜後，張凳濕晒坐唔到，佢繼續擺」、「多唔多人上都唔應該啦」、「開聲話佢嘛」、「係我就夾硬坐落去」；亦有人質疑車上仍有空餘座位，完全不像擁擠多人，覺得是樓主小題大做，「點睇都唔似得呢個位」、「你係咪親眼見到有人過去都唔讓位先？」、「你要坐咪照坐，通常有人坐落去都要收返埋啲畀人，有時短途車啲人都費事坐，畀人擺下又有咩所謂」。有留言就猜測會否只是誤會，「會唔會Auntie無為意？如果特登就唔會將菜放在自己身上」。
對於網民的質疑，樓主就補充，她是親眼目睹有男士坐在老婦身旁位置，老婦都不拿起隨身物品，以致對方半邊身都被迫出座位以外，當有同車乘客勸喻老婦取起物品時，老婦亦假裝聽不到，所以才會拍照公審老婦為人自私。