陳奕迅演唱會第24夜首次台上感觸落淚粉絲陪喊

陳奕迅27場演唱會來到第24場，休息一日之後，不知是不是天氣影響，或者人放鬆後，他身體倦意開始湧上來，所以昨午綵排時，發現聲音現出現有少許問題，令他突然浮燥，驚恐發作擔心自己會失聲。

到演唱會talk 位時，Eason接受觀眾歡呼拍掌已經很感動，他鞠躬良久，對大家說: 「多謝大家包容，你哋係童子軍(日行一善)，呢兩日....不知天氣定咩...有啲嘢發左出嚟，我突然好驚，好驚自己冇聲....。」觀眾狂拍掌歡呼: 「唔駛驚」「好好聽」「勁正呀」。Eason聞言說，「當然我地有現代科技幫忙，我冇去打針呀，因為好傷呀打針。我食左粒藥囉。不過唔緊要，做完明日一場，我重可以休一日，好似腳拉傷一樣，其實你用咩藥膏都係冇用，最緊要係休息。今日我覺得自己未做到最好囉....比唔到平時跳跳紮大家。我又怪責自己，加乜野場，做25場咪好囉，自己戇居、覺得一路都好好，我又27號生日，咁27場幾好喎，其實大家咁好，搶飛入來支持我，我唔應該諗番轉頭，即係呢個騷都係想帶俾大家一D理念，人經常thinking too much ，我都係諗太多，所以下午返來綵排時，真係又驚又緊張，沉過依家一千倍，嚇親所有工作人員，其實係我太緊張，自己同自己比較，唔想令大家失望.... 諗太多..... 」觀眾不停大叫他「加油」，「冇事」，「唱得好好」，「唔怕」，Eason笑道，「你梗係啦你，你都聽完，試下我同你講，今日退飛改期...」觀眾再大叫: 「唔緊要，改期都等你！」Eason即又開心又感動，「咁你真係好愛我。多謝你地，今晚比左好多力量我。」

第24夜的EASON非常感性

雖然昨晚演出成功，觀眾亦反應非常熱烈，但到安歌部份，他選唱了自己近年最愛的一首歌《相信你的人》，歌詞令入行27年來的他，第一次落淚觀眾面前，現場不少歌迷也跟著他哭起來，場面感人又震憾。他解釋為什麼揀這首歌，「呢隻歌係我2019年，為部電影《銀河補習班》而唱，鄧超導演帶埋部未完成既電影，飛來香港比我睇，問我有冇興趣唱隻歌。佢最初想用《單車》改國語版，但係我覺得佢咁有誠意，《單車》亦唔係好適合變國語版，最後我搵左台灣我好尊重既一位好朋友陳小霞寫詞，姚若龍作曲，佢地話放心交比佢地，最後呢首歌出來，唔知係人年紀大易感觸定點，歌詞真係好令人動容，我知大家香港人鐘意廣東歌，但一隻好歌，點解要分語言呢？音樂係世界語言，你可能聽一隻土耳其歌你都會被感動，所以我好想用來送俾大家....」講到呢度，Eason突然感斶到控制不到情緒，20多年來第一次於台上落下淚來，泣不成聲，暫停了一會，他才抹著淚水道: 「唉，我係唔suppose比呢個樣人，20多年來，我從來都唔會俾呢個樣大家睇嘅....唉，羞家，失禮失禮..... 我通常剩係帶歡樂同憤怒比大家，哈哈....我冇哀愁，哀愁係晒歌裡面，我亦唔想喊，喊緊點唱歌比大家聽....呢隻歌陪左我兩三年，每當我有唔開心，迷惘時，呢隻歌比左好多力量我，所以我特登揀來送比大家，請大家相信：勇氣就係魔術，可以幫到你。」觀眾呼歡聲四起，震烈紅館。

EASON第一次在台上落淚