鋪鋪Poker︱尹光賭啤輸層樓晚晚白唱 粵曲腔唱<少理阿爸>意外爆紅

年三十晚播出的J2節目《鋪鋪 Poker》,今集嘉賓是唱家班尹光。尹光可稱為元祖級唱家班,他唱的歌在七十年代已經街知巷聞,作曲、填詞一腳踢,經典作品有《數波波》、《數毛毛》、《少理阿爸》同《荷李活大酒店》等。不要以為班後生仔不懂欣賞尹光作品,主持郭偉亮(Eric)在節目中率先爆老婆葉佩雯(Grace)是尹光粉絲︰「佢喺屋企成日唱《數波波》同《少理阿爸》,知道尹光做嘉實最開心係佢。」陳欣茵(Sonya)同譚焯升(Clevis)話每次去卡拉OK,《荷李活大酒店》同《少理阿爸》是必唱之選。

尹光一出場即刻數白欖自我介紹,七十年代已開始賭啤牌,計落牌齡不少,更試過玩啤牌輸掉一層樓︰「79年澳洲悉尼登台,順便學車,有日個教車師傅冇到,無聊走去私家賭檔玩。嗰時一層樓20幾萬港元,一陣已經輸咗20幾萬。其實我邊有咁多錢輸,唱一個月都係4,000美金,不過因為我係尹光,佢哋咪信我,返到香港慢慢還。」尹光話賭癮最大時,在英國賭銀紙號碼、的士車牌,差不多所有歌酬都進貢賭檔。直到84年因為一場賭局,才決定金盆洗手。

講開有味笑話,主持們都好想知,尹光抵死啜核歌詞的靈感來源,尹光有問必答,原來《荷李活大酒店》除了歌詞「三個肥婆六個波……」有味版之外,還有不同優化版︰「呢隻歌好多人都認為鹹濕,得一句歌詞嘅啫,我作嚟作去都作唔到,開頭係用『六個阿哥』、『六隻梳』……」。當然不可不提的是 view數超過600萬的經典作品《少理阿爸》,這首「粗製濫造」的MV又是如何鍊成?

 相關推薦