由文偉鴻（Jazz）監製、林麗媚、梁恩東編審的《隱形戰隊》，將由3月6日起逢周一至五晚八點半翡翠台播映，以警隊中的反恐特勤隊及神秘部隊 — 隱形任務戰略部隊（POTT）如何攜手協力偵破多宗大型案件為故事骨幹。
除以動作場面及緊湊節奏聞名，凸顯藝人長處及逼出藝人潛能亦是監製Jazz拿手好戲。親手鞭策劉穎鏇（Tiffany）愈戰愈勇的Jazz，是次將Tiffany的「完美Body」再度推向「巔」峰，「冇肉Pat」蛻變「蜜桃臀」，更操出女性極限體脂10％。
Tiffany透露花了三個月撇脂Build肌，並感激林子善代為安排Gym Room及教練：「嗰時一個禮拜操五日，每次個半鐘左右，鍛鍊手臂、背、腿同Pat等唔同部位，再花半個至一個鐘跑跑步機。」她坦承為操出蜜桃臀花了不少時間：「我本身pat pat唔多肉地，要操大係難，所以要花特別多時間。」
飾演熱血正義新人邢風的Tiffany，除會大展身手，更不時以不同顏色的小背心上陣，相當搶眼，Tiffany笑言是監製主意：「主要係想展示我努力操嘅成果，露吓當時嘅手臂同膊頭，去配合角色硬朗性格。」
而在《超能使者》的「幻想世界」中魅力無限的劉佩玥（Moon），是次魅力再度Level Up。飾演為求破案勇於走偏鋒的POTT成員Shadow的Moon，單是出場一幕已相當殺食，以超貼身戰鬥服上陣的她，超長腿吸睛之餘，溫柔又神秘的甜笑亦十分致命。此外Moon還有超強悍一面，不但開槍快狠準，面對壞人亦絕不口軟兼手軟，堪稱「糖衣女硬漢」。而Moon劇中一幕在夕陽映照下徐徐步出的畫面，唯美之餘亦別具氣勢。
除了視覺刺激，《隱形》角色亦將帶給觀眾情感刺激，與Jazz合作無間的子善，這次飾演唐詩詠哥哥喬帶囡，為人重情重義、任勞任怨、聰明機智之餘，更十分懂得為別人設想，是一等一的大好人。雖然這位大好人內在外在美兼備，可惜因為「一粒子彈」，帶囡從此失去了一條腿，除了要承受永久殘缺的身心之痛外，在職場上亦因而受到欺凌，絕對是劇中洋蔥代表。子善受訪時坦言劇中喊戲為數不少，對情緒及體力均是考驗：「有時一返到公司啲戲就要喊，跟住第二場笑，第三場普通，第四場又喊。所以嗰段時間體力同情緒上都好辛苦。同埋呢套劇好多對白，因為好多案件分析，要背好多嘢，所以都係咁多年最吃力一套劇，一個禮拜總有四、五場喊戲，好在係唔使打。」
