無綫綜藝歌唱真人騷《中年好聲音》，本周日（19日）晚播出的「第六部曲 故事之歌」下半場《爭入十強！次回合生死鬥！》，今集六位出戰選手與上集六位一樣，分享各自要面對的人生課題。
參賽者林鉫徫選唱了<好人>，更唱至眼濕濕含淚收場。經常被標籤「男人婆」的鉫徫，在接受製作組深度訪問時已忍不住哽咽：「睇完（網路對我唱歌嘅評語）我自己都要啲時間去消化，通常講我肥咯，或者唔知我係男定女，或者合唱時會覺得我係唱得好，不過話唔想睇到個畫面。」雖然多番備受攻擊，但鉫徫依然希望能保持善良，並學會愛自己：「我揀呢首歌係想提醒自己要繼續保持善良，亦都希望可以將個重心放番喺自己度，唔再理人哋嘅目光。」
張佳添大讚鉫徫終於有「追聽性」：「不嬲知你唱得，但我今日最開心，係我開始聽到你嘅力量冇乜壓迫感，之前你係好唱得，但有壓迫感，去到後面會覺得夠喇，但今日聽到後面會好enjoy。」
