《中年好聲音 追夢之旅》於周日（14日）翡翠台播映，節目邀來支嚳儀、曹敏寶擔任主持，四出尋找周吉佩、李佳、龍婷、顏志恒、吳大強、魏嘉信、何博文、鮑聖光、羅金榮、鄺凱剛、陳嘉璐、梁榮智、徐琬麟等同伴，訪問他們比賽後的轉變和收穫，引領觀眾回味他們的「追夢之旅」。
《中年好聲音》第一季冠軍周吉佩，講到今次奪冠的心路歷程：「經歷咗好多起起跌跌，有無數次想法係想放棄，從來追夢都係自私行為，同太太一開始係冇共識，係我呈現到畀佢睇我內心原來真係咁堅持，所以都好多謝太太嘅支持，令我每一集都比之前更加好。」講到對於音樂路的展望，吉吉說：「冇諗過會企番喺台上得到大家掌聲，依家暫時計劃係好好做好嚟緊做好每一場演出。」而另一最大收穫，吉吉笑言是與顏志恒、魏嘉信結成好兄弟，三位除了同樣熱愛唱歌，另一共同點就是大家都是喊包。
而年紀最大的吳大強則說：「雖然年紀大咗，但都希望老有所為。」他希望能啟發年青一輩成就夢想，散發正能量！大強又指《中年好聲音》在自己心中是無可替代：「我一生人只有一次咋，六強喎！得到好多人認同我唱歌，真係無比嘅驕傲。」
