熱爆電影《九龍城寨之圍城》席捲全城，票房已衝破逾六千萬，成為近期城中熱話！「城寨四少」極速彈起，四位型男人物各有特色，除了林峯、胡子彤及劉俊謙外，當中不少網民認為「四仔」張文傑更是戲中一大遺珠，打得好有型，戴着面罩上陣都一樣搶晒Fo！
近日，張文傑接受其他傳媒訪問時，就透露他的背景，原來非常猛料！張文傑爸爸張孝慈是舞台特技人、影帝張家輝更是他的堂哥哥，但文傑謙稱跟家輝不算太熟：「我哋家族好大，我哋真係唔算好熟，只係最近呢幾年我做咗電影行業，見到面傾返偈，大家Friend返少少，以前都唔算好熟。」
未算，原來張文傑當日入行，全因是16歲獲契媽楊盼盼引薦入行，加入電影圈做幕後，還說慶幸自己與多位出色的動作演員長大，他笑指，自己出完一腳，樊少皇已出了三腳，所以他很努力練腳，渴望超越對方。
張文傑透露他曾因為不服氣，要為一些態度差的演員做替身，決心進軍幕前做演員。不過他又覺得，始終要有替身行業，因為替身其實是很專業的工種，但仍然立志不做幕後，一心要努力轉型，成為一個演員，證明自己識做戲。非常有決心！「當初自己同盼盼姐講想做演員，甚至為了轉型，無工開都要推掉所有幕後工作。」
終於，一個機會，《九龍城寨之圍城》，文傑，你等到了。
圖片來源：張文傑IG
