不斷被抹黑整容論 陳曉東出PO炮轟網民反應兩極

陳曉東近年被指「容貌進化」，不時成為網民的話題。近日，有傳媒以「48歲昔日男神崩壞面容極僵硬」，以及「走的是蠟像館路線」為標題作報道，真的觸動了本尊東東，被「焫著」的他禁不住出PO，反擊其「整容」一事。

東東在社交平台大發長文宣洩不滿，隨即引起網民熱烈討論，仲反應兩極！有大批網民和粉絲力撐東東，留言話：「男神好嘢，不拐彎抹角」、「別理這種黑化媒體。老作博流量太低級」、「低端操作博流量而已，東東加油！」、「更加唔需要勞氣，支持你繼續做自己！」、「d人有問題，為博眼球～」、「上次香港演唱會見到你，好靚仔，猜猜猜依然好好聽」等。

但同時，亦有網民狠批佢文筆差，以及外貌真有變化：「全部字識，但好似睇唔明咁」、「字裡行間，發現佢嘅文字/文化水平真係好低…咁多年係冇進步」、「咁佢個樣的確係好膠喎」、「整容咪整容囉，又要整又要拎貞節牌坊」、「冇人唔俾佢老，但佢整到咁都唔認又係另一回事」等。

不過，東東都係唔好咁嬲，食吓花生好啦！

圖片來源：陳曉東IG

東東被「焫著」!