直播靈接觸｜「鬼后」關寶慧揭靈體愛睇拍戲 黎明詩報夢梁思浩預告離世?

由梁思浩、黃紫恩（Jojo）及黃耀英主持，TVB Plus（82台）開台重頭戲及首個靈異直播一小時節目《直播靈接觸》，前晚（20日）一集陰宅師皓云講到壞人墓者，有機會如韓國驚悚電影《破墓》中的破壞者，遭到靈力反噬。昨晚（21日）繼續精彩，請來「鬼后」關寶慧現身，同場「火拼」「鬼王」梁思浩，互相爆料令現場陰寒指數急升。

天生陰陽眼的「鬼后」關寶慧經常拍攝鬼片及靈異節目，「見鬼」的次數可謂無日無之，又揭露在拍戲現場特別多靈異事件發生，她解釋︰「啲靈體好鍾意睇拍戲。」寶慧如數家珍大爆「撞嘢」經歷，數年前拍戲時準備穿上一對連戲拖鞋，其中一隻無論如何都穿不上，她說︰「對拖鞋係私伙，後來睇返其中一隻明顯細咗一個碼。」請教張芯熏師傅後發現，原來有一隻女鬼寄存在鞋內，最後由師傅請走。

寶慧自爆不少過世好友都會「回來」探望自己或者報夢，當中已故形象指導Nel Nel張學潤亦是其中一位，她說︰「Nel Nel有搵過，但係get唔到佢嘅暗示係乜嘢，問極都唔知。」她感嘆會繼續努力修行，希望有朝一日可以知道故友們的要求。思浩亦表示每次有離世好友「到來」，都會感動流淚，亦呼籲大家珍惜眼前人。

思浩表示亦有類似經歷，早前歌手黎明詩（Stephanie）因病於3月28日離世。原來Stephanie臨終前曾報夢跟思浩訣別，他說︰「佢28號走，26號佢嚟搵我，夢中同我講拜拜話『我走喇』，醒咗之後打畀佢屋企人講返，佢哋都唔信，跟住隔咗兩日真係走咗。」此外，思浩早前為一家低收入人仕的12歲小朋友舉行法事，儀式期間思浩默唸「小朋友有咩想交代」，忽然有把小朋友聲回應話「佢哋好衰爭我筒炸雞」。即時思浩詢問身旁父母，母親聽後淚流滿面，因為答應小朋友生日會買炸雞最後沒買，小朋友因此跳樓自殺。