顏國樑近年患癌經常出入醫院，徘徊於生死之間，幸得太太霍潔貞2次從鬼門關張他拉回來。
顏國樑與霍潔貞在TVB結識，相愛逾40年，直到2022年才註冊結婚。2022年，鄧英敏曾在節目中問：「潔貞跟咗你41年，仲未正式結婚喎，你有冇咩說話想同潔貞講？」顏國樑似有點不好意思說：「同佢41年，一年一句，都41句。我而家改咗脾氣，大家都幾廿歲，佢仲要服侍我，如果我仲將啖氣發落佢度，佢會更加難受，更加辛苦，不論有病冇病，兩公婆要相敬如賓。」
顏國樑表示因為考慮到移民問題：「如果結婚去移民個本錢唔夠，就好大影響，如果單身去第二度就方便啲，所以就hold住囉。」由於他近年移居大陸，他表示若在大陸居住需要有身份，為了法律問題，因此便註冊結婚。
顏國樑透露，自己曾3次踏入鬼門關，差點窒息喪命，當中2次幸得太太救回一命。他說︰「我連續兩次窒息，原來窒息一救唔到，3分鐘就走，無命！」
早前顏國樑及太太上《直播靈接觸》時透露，曾入院並已經昏迷接受搶救，要送去深切治療部。太太霍潔貞不斷四出為丈夫尋找不同的續命方法，最後獲高人指點到濟公廟找廟祝祈福裝香，才可以「執返條命」。
