郭晉安與歐倩怡五月宣布結束近18年婚姻，二人更表示在早於兩年前已分居。歐倩怡近日接受某網台的YouTube頻道節目訪問，是她自公布離婚後首度公開露台，不過，節目出街後，歐倩怡的一系列言論卻慘遭網民「圍插」，歐倩怡看似見勢色不對，即為近日一切言論撲火，逐一回覆網民問題。
節目中，歐倩怡親揭正在玩交友App識了六個男仔，重新趟開心扉，不過她搞笑自稱：「學歷太勁會嚇親男仔」，有網民串咀指，「其實咩學歷咁勁？」、「睇完就知點解離婚」。
此外，歐倩怡在節目中透露2019年前曾大病了一場，有一次在睡夢中突然呼吸困難，在徘徊於生死邊緣之際，郭晉安卻：「上網睇吓係咪call白車，跟住搵到個片糖沖熱水畀我飲。」。最後給了一個痰罐予歐倩怡嘔，歐倩怡當晚更即場暈倒，翌日醒來，頭仍塞了在痰罐度。言談間矛頭自然指向郭晉安，令人覺得郭晉安十分冷漠。
一系列的歐倩怡言論出街後，網民反應兩極，而歐倩怡看到「群情洶湧」，即時本尊親回關於她日前的種種回應：「忘本，學費何來？」歐倩怡回應：「係呀，我有好好多謝佢。感情事係咁，無得計嘅。大家依然係屋企人。多謝你支持啊😉」
對於郭晉安被網民指「見死不救」，歐倩怡即轉軚為前夫講好話：「當時係驚，唔知發生咩事」、「我真係斷片式暈咗，發生咩事都唔知」、「太驚啦，唔知發生咩事，比着我都會驚，唔知應該點做！」
此外，又有網民批評指：「咁嘅學歴叫勁得滯，真係笑大人個口，」而歐倩怡則淡定回應：「多謝提醒😊其實我都知我好渣㗎咋，好多野都唔識，同無記性。嗰個純粹係節目效果。學海無涯啊📚」
