《中年好聲音4》十強之戰第二回合，尹景順拍住原唱前輩歌手王馨平合唱《別問我是誰》，得到94分，第二度成為MVP。
尹景順表示：「多謝王馨平老師。」王馨平則說：「一開頭知道會同佢配對唱歌，我都覺得幾有信心，知道佢一路都唱得好好，同埋我都好鍾意佢嘅聲音。」
尹景順又分享：「第一次同老師傾電話嘅時候，先知道老師教咗瑜伽教咗九年咁耐，我以前都有做開瑜伽，所以就問老師可唔可以去上佢既瑜伽班，依家拎到MVP仲可以同老師一齊做瑜伽，真係賺曬！」
星期日晚將展開十強之戰第三回合「突破之夜」。蔡宓婕穿上旗袍，不止唱功更以造型突破帶來驚喜，吳亦偉及尹景順亦忍俊不禁。
想知其他參賽者有什麼突破，記得留意星期日晚8點十強之戰第三回合。
