韓國BLACKPINK成員Jisoo Solo歌曲《FLOWER》熱爆全城，網上掀起一片「開花舞」熱潮，超級洗腦，連家燕媽媽近日都跳埋一份！
薛家燕於上周與一班家燕媽媽藝術中心學員出席《家燕媽媽藝術中心暑期繽紛大匯演2023》活動，家燕姐一向衣裝造型甚吸眼睛，當晚她穿上鮮紅色上衣及金色褲裝亮相，並跳唱Jisoo嘅《FLOWER》，神還原「開花舞」外，更將原曲歌詞改為廣東話，超有心思！
一班網民紛紛對薛家燕嘅表演讚不絕口：「咁既年紀其實跳得唔錯」、「謝謝香港女神為我們表現出精彩的跳唱」、「其實好睇好聽」、「唔該家燕媽媽，cover多啲kpop，真係好正，好似啲皇帝登基大典喜慶曲目一樣」、「Respect」等，更有網民力撐家燕姐要將改編歌派台Plug，超有誠意！
圖片來源：網上IG影片
