因參加《中年好聲音》而人氣急升的實力唱將支嚳儀（Venus），早年在香港投資開設兩間烘焙店，日前她專程飛往馬尼拉參加其第三分店的開幕典禮，並邀請了當地紅星Elisse Joson擔任嘉賓，場面熱鬧！再度榮升老闆娘的支嚳儀心情激動表示：「今次係我喺當地第三間分店，第一、二間係疫情期間由我啲拍檔幫手搞開幕，轉眼間已經三年，今次終於可以飛過去當地出席新店開張。」
支嚳儀又興奮，開心得帶點淚光補充：「我喺馬來西亞都有分店，但馬尼拉係我呢個品牌第一次落戶海外，同落地嘅一間舖頭，好開心。好似突然之間重返五、六年前創業，自己一個寫app同構思，所有回憶都湧現，就算捱咗幾多個失眠夜晚都值得，好感激搵到一班好嘅團隊，同埋好開心搵到Elisse Joson嚟支持，佢嘅粉絲流量有400萬！好感恩，心情真係好激動。」
同時，支支亦表示對事業充滿期待，還會說她會好好地繼續往下一個里程碑發展，加油！
