開卷︱Patrick Sir推介《妳離開之後》四度哽咽搞喊全廠 愛犬狗酒店暴斃「報東張」

以推介好書為宗旨的J2長壽節目《開卷》、由林溥來（Patrick Sir）帶領一班J2ers何泳芍（Honey）、伍韻婷（Juliana）及布樂文（JB）主持，逢周一晚11點J2（82台）播出。

《開卷》每星期都會分享好書，觀眾同主持都獲益不少，可惜日前一集卻「出事」，Patrick Sir推介的翻譯漫畫書《妳離開之後》（Dancing at the pity party），獲外國媒體推薦，能陪讀者走過「失去摯愛」旅程的漫畫，差點搞喊全廠人。Patrick Sir介紹女作者在17歲入讀大學時，母親患上癌病，一年後離世，整整10年間作者未能從母親逝世釋懷，她將母女間的甜蜜回憶繪成漫畫，藉此走出傷痛。他提到書中最感人的地方，是作者要繼續「扮演」無憂無慮大學生的角色，但每次電話響都會好驚。Patrick Sir在解讀過程中，四度哽咽且眼泛淚光，要由身邊的Juliana 、JB接力介紹。

Patrick Sir事後接受訪問，解釋感觸的原因。原來介紹《妳離開之後》一書時，令他想起愛犬Don Don︰「佢啱啱走咗一個月，見證我結婚生仔，係家庭一份子，陪咗我14年有多。」原來上星期六（14日）Patrick Sir以苦主身份，接受《東張西望》訪問時講到14歲半Don Don入住狗酒店七天後，後肢癱瘓最終死亡，因而自責「好對佢唔住」。他懷疑事件涉人為疏忽，正考慮作法律追究。

Honey在《開卷》節目中一直強忍淚水，到中段終哭成淚人，她嗚咽着說︰「我都想share，媽咪幾年前有cancer，我係收到message先知道媽咪有事，佢仲反過嚟安懷我『唔使擔心，醫生話乳癌零期，切好少部份同電療就得』，媽咪係搵晒解決方法，等我唔使擔心先講。所有媽咪都一樣，唔想個女咁傷心。」

另外，Patrick Sir同Honey近日去到顯理中學開講座，分享閱讀好處同樂趣，吸引大班師生出席。Patrick Sir在講座中談到透過閱讀，可以令人變得有深度，改變氣質。同時從作者視角，能學習偉大人物的思維模式，對日後處事做人有莫大幫助。