楊千嬅最近推出新國語歌《未晚》，MV同步上線，千嬅當中邀請了好朋友任賢齊客串演出，歌曲更被舒淇擔演的最新電影揀選為電影主題曲。《未晚》這首歌，寫歌到錄音到完成，經歷了四年時間，歌曲是寫的是一個人，一日仍有心跳，一日也機會尚在，對任何事的追求，其實都「未晚」。
而對千嬅自己而言，這首歌是一個神奇的禮物，因為她從未求歌，第一次聽旋率已經讓她落下淚水，那一年她曾經想過放棄，對前景極度迷惘，不知自己的事業還有否將來，《未晚》就出現鼓勵她，什麼只要仍有心跳，什麼時侯也不會晚，想做便應該繼續做下去。「嗰年疫情我去了北京工作，朋友介紹朋友之下，認識了這首歌的作曲人劉胡軼老師，他突然說想送首歌給我，我當時經歷很多無奈，工作不停變動，疫情又令整個世界動彈不得， 根本沒想過錄歌，可以說心態很灰，失去鬥志，到劉胡軼老師真的把歌送來，我一聽旋率，就已經感動到落淚，他又的特意同我傾左幾個鐘頭，了解我當時的心情，想法....當他交上歌詞之日，我又再崩澮大哭，因為沒想到他找人填出如此簡單動人又有力的歌詞，歌名還叫: 未晚。我同自己講，既然『未晚』...好，做人要重新振，好！錄左首歌佢！」
千嬅再指：「錄呢首歌，我學到，做人真係唔駛咁執著，每首歌都有佢條命。一切個天自會有安排，首歌係四年間，不停修改重錄，又經歷疫情，當中發生很多很多事，如果四年前錄好，我估我係唱唔出今日首歌嗰份感覺，個天係要等到我經歷了很多事，先體會到個份「未晚精神」，先唱到個種感覺。」
講到邀請小齊做MV嘉賓，千嬅謂又係「未晚」啦：「就剛好同小齊不約而同都係長沙工作，先邀請到小齊拍MV，如果心急推出，就一定夾唔到時間，冇小齊客串啦。」而早前小齊又飛了去武漢擔任她《楊千嬅MY TREE OF LIVE世界巡迴演唱會》的特別嘉賓：「我同小齊認識差不多20年，雖然我哋唔係常常會見面，但每次有需要幫忙，只要佢時間許可，都會仗義答應，有佢係到，就會感覺到一份溫暖同安全感，真係好多謝佢！」
