台慶劇《叠影狙擊》繼續播映，昨（20日）晚一集關禮傑搶盡焦點，劇情講述飾演新領域集團主席楊俊傑的他，收到死亡恐嚇的同時，因女兒亦同樣遭殃而怒不可遏，在家門外大發雷霆，過程被身為新領域集團副主席的胞弟楊俊雄（郭政鴻飾）設局拍下及發布，並以俊傑患有間歇暴怒症為由將佢主席一職罷免，讓俊雄可上位取而代之…傑哥今次角色頗有發揮，有躁狂面之餘亦有懦弱面，因受到連番恐嚇變成驚弓之鳥的他、為阻太太（陳梅馨飾）及女兒外出大吵大鬧，「躁狂度」不但嚇窒劇中妻女，亦令網民喊驚：「大楊生真係癲到呢」，並期待傑哥之後劇情能反勝細佬：「我相信楊俊傑絕對不簡單」。

原來傑哥演繹患間歇暴怒症角色入型入格，與女兒關楓馨有關，傑哥說：「劇中我個角色最錫係個女，好關心家人，可能我現實中都有兩個女，演繹上容易投入，從關心個女嘅心出發。」講到在豪宅外發火掟玩具一幕十分入戲，他坦言拍攝時極花力氣：「因為要節奏感，同時要分多個角度不同距離拍攝，所以拍得比較吃力。」談到昨晚慘遭郭政鴻奪權，傑哥暗示好戲在後頭：「細佬攞咗我主席位，又唔行正途，我為咗家族生意，會爭取番自己嘅位置。」

昨晚另一驚喜位，是近年甚少出現「公仔箱」的陳梅馨、繼去年熱播劇集《家族榮耀》後再度亮相無綫。梅馨去年在《家族榮耀》扮演于洋二太太獲讚保養得宜，今次飾演關禮傑妻子亦盡顯豪門闊太貴氣。劇中陳梅馨為愛女默默忍受傑哥無理取鬧，表現出勁高EQ，演出亮眼。

台慶劇《叠影狙擊》劇情緊張，這兩晚主要圍繞富商楊俊雄（郭政鴻飾）、神秘big boss金夫人、魏曉晨（周秀娜飾）以及的恩怨！在《叠影》飾演囂張又傲慢大反派的郭政鴻，為達目的不擇手段，由頭奸到尾，更會綁架親大哥楊俊傑及其家人。

政鴻受訪時直認在《叠影》中奸到盡：「上次我喺劇集《家族榮耀》演好哥哥，今次就係最奸嘅反派，兩者好大反差，亦係我其中一個最奸嘅角色！」他續稱：「楊俊雄係遇神殺神、遇佛殺佛，心目中只有金錢、權力，我要演得辣啲，氣場強啲，演到好似一個霸道梟雄咁。」

提到有網民讚他保養得宜、身形超弗勁屈機，59歲的政鴻即自揭獨門減齡秘技：「好多觀眾都問我點保養，自己戒晒宵夜，油膩及甜嘢都少食，當然要配合運動；同時我好貪靚，成日去做facial，如果冇時間都會喺屋企以家用美容儀去緊緻皮膚，所以仲keep得到。」