馬國明與湯洛雯（靚湯）上月終在泰國蘇梅島成婚，踏入2024年，靚湯即甫上新一段12秒的短片精華回顧，片中盡是好老公馬明身影，以及籌備足足一年的婚禮花絮，靚湯不時流露冧到爆的甜美笑容，證明嫁對了人！
馬明、靚湯出名孝順和家人至上，而馬明婚後亦在社交平台貼出雙方家人的合照。據星島獨家訪問報道引述，問到靚湯父親湯鎮宗對馬明這位新女婿有何評價，外父高畀90分，成功過關！
湯鎮宗首度公開大讚馬國明，他接受傳媒訪問時稱：「見微知著，畀佢90分，其餘10分雯雯畀啦。馬明喺TVB咁多年，相信好多觀眾、朋友和同行比我更了解佢，而佢對待朋友，照顧家人，孝敬父母喺呢場婚禮中，我都觀察到，佢對朋友嗰份感情，照顧家人嘅無微不至，尤其係對父母嘅關懷，讓我深信佢會同樣對待我女兒，所以放心將女兒交付畀佢。」湯鎮宗更祝女兒靚湯及馬明幸福一輩子。
有趣的是，當日馬明靚湯結婚相流出，原來有不少網民竟不知靚湯是星二代！其實靚湯生於演藝世家，爸爸是演員湯鎮宗，叔叔就是當年TVB男神，「無綫五虎將」之一的湯鎮業。
圖片來源：湯洛雯IG
