2024風生水起|吳幸美宜嫁到世界邊端 被批與安德尊最合襯?

2024風生水起|吳幸美宜嫁到世界邊端 被批與安德尊最合襯?

風水賀年節目《2024風生水起》,昨晚(30日)一集「龍年開運搵師傅」請來吳幸美、何依婷擔任嘉賓,單身貴族幸美希望龍年盡快脫單,新婚的依婷則想婚姻事業兩得意。玲玲師傅指女性眼大旺桃花,但同時容易畀人呃,大眼妹依婷笑言:「我真係容易畀人感動到!」玲玲師傅續指眼睛唔大唔細的幸美屬於理智型,有時會諗得太多錯過好姻緣,身為《東張西望》主持的幸美聞言笑謂:「訪問太多情騙個案,睇得愈多,個心就愈驚,有人追時就驚會唔會係呃我感情。」玲玲師傅批幸美的命格宜嫁到世界邊端。

節目還預測了幸美未來老公面相,當中以大王安德尊最符合條件,玲玲師傅說:「大王符合晒我講嘅條件,眼大、鼻翼大。」轉數快的幸美聞言接招:「佢有宋芝齡喇喎!」場面搞笑。

 相關推薦

熱門搜尋