陳敏之苦等多時終夢見亡母 不禁泣不成聲心情欲絕

陳敏之早前發文母親不敵急性血癌離世，連日來敏之情緒大受打擊，心情悲痛欲絕，並盼望媽咪可以到夢中相見。

今日，敏之現身深水埗出席邵氏超級網劇《執法者們》開鏡拜神儀式， 見她心情仍然哀傷，接受其他媒體訪問時不禁哽咽：「當媽咪走咗之後，我一直都好想夢見佢。喺佢頭一日走咗嘅時候，我係夢到佢，但個影像好唔清楚，但感覺到佢係開心，唔係傷心同痛苦嗰啲。跟住幾日都再夢見唔到佢，自己就會喺度諗『媽咪你係咪唔掛住我』，而我當時係好期待下次會再見面，係期待到好心急。跟住到前一晚，我再次夢到佢，見到佢係着住離世嘅衫，媽咪佢係笑住打開雙手，而我個仔就衝埋去攬住婆婆，然後講我愛你，我係癲咗，係令我釋懷。喺夢度媽咪行埋嚟我身邊捉實我個膊頭，然後就講咗一句『你要記住我講，你要慢慢嚟』。」

敏之續指，她意會到亡母意思，可能是要她慢慢去接受媽咪已經上了天堂：「我而家同佢一齊努力緊。」