《Deep Reborn》吳浩康演唱會日前經已完滿結束，Deep當晚一口氣唱出二十多首金曲，全場1200名歌迷非常熱情，提早入場霸位！Deep開騷前表示自己感冒未清，還多謝太太代照顧愛兒：「因為太太病仲嚴重過我，但佢為咗可以比我提早入住酒店，自己一個人照顧小朋友。頭先仔仔第一次見我駁髮，佢都呆一呆好似唔認得我咁。」
Deep當晚更特地邀請地盤工友睇騷，佢更話兄弟有點唱，不過就冇實現對方願望：「佢地要點唱《到底發生過甚麼事》，如果唱佢地啲心水，就要成Part改歌，會加重隊Band嘅負擔，唯有下次先。依家一場就未夠喉，我同主辦傾緊加場定轉場，好似轉場開心啲！紅館唔一定嘅，但下次係更大嘅場地。」
演唱會適逢元宵節，Deep一度落台向Fans逗利是。講到歌手、地盤兩邊忙，佢坦言時間編排最苦惱：「我都計劃出新歌，點都要搵時間出嚟，多謝老闆體諒！至於歌手定地盤開工好搵，呢啲視乎你工種，慢慢咪後再探討。」
