黃夏蕙親揭體力明顯衰退 盼在有限時間四月底搞「最後派對」與子女朋友見面

現年93歲的「夏蕙BB」黃夏蕙，日前接受其他媒體訪問時指出，她親揭自己這一年體力明顯衰退，更宣布將於4月28日舉行最後一場派對，屆時在派對上，夏蕙姨除了恨與七個子女見一面，更會交代遺願，不禁令外界擔心她的健康情況。

引述其他傳媒報道，夏蕙姨希望交代好未完成的事：「呢一年我發覺自己有時好似有心冇力，可能年紀太大，同埋我太擔心，所以會將自己所有嘅嘢交落去，百年歸老之後唔會火葬，就想我嘅body送畀醫院，畀人做有用嘅嘢。我已經90幾歲啦，我本來唔驚死，但有未完責任，我唔捨得我個基金做唔成一件事，我嘅基金正籌備一間老人院，或者畀無家可歸嘅人有一個安息嘅日子，連名都改埋，叫『夏蕙之家』，希望我呢個願望畀啲有為嘅人繼續去搞。」

據報道指，夏蕙姨好放心自己七名子女：「我好放心，佢哋個個都有自己生活，搵到自己鍾意嘅嘢。自從我先生離開咗之後，我個家都散咗，我就做自己嘅嘢。28號嗰個party，我希望我啲仔女能夠見我一面，因為時間無多啦，我都已經係90幾歲，我希望我啲仔女能夠同我合照，同埋我所有朋友一齊見吓，人生冇話不死，本來我係唔驚死，但係我有好多未完嘅責任，所以我自己都好驚死。」

夏蕙姨更預計：「完成活動之後，唔會再周圍去，留喺香港，即刻會入醫院檢查，如發現有甚麼問題都冇怨了，因為已經了咗心事，我一啲都唔擔心，反正我都願望成真，而家只係希望多啲人會嚟嘅party。」