麥明詩婚後做舅母帶隊遊主題公園慘遇黃雨？暴雨堅持拎十萬Hermès袋自認戇居

「十優港姐」麥明詩（Louisa）正式升呢為「盛太」，上周底與飛機師老公盛勁為搞足三場婚禮，睇相都甜到漏呀！

近日，「盛太」兼顧靚靚人妻之餘，亦做個好舅母，難得與親戚們遊主題公園，勁黑仔地遇上黃雨，好慘情！Louisa發文也自嘲甚為掃興：「星期日難得約到成班親戚一家大細去海洋公園，做個稱職嘅舅母帶兩個姨甥同動物say hi。出門口嘅時候啲雨落下落下，諗住大部份時間都係室內睇動物應該OK。點知自己過分天真，一到公園門口就狂風暴雨，搞到成班人好似走難咁款。唉剛做舅母就失敗收場，好彩有幾隻動物公仔氹住兩個小朋友話下次再嚟過。」

從麥明詩分享的片段所見，主題公園門外橫風橫雨，在場不少小朋友攬住大人，尖叫聲不絕，有如災難片現場，好笑又擔心！不過，網民焦點卻落在身穿背心，在暴雨下堅持孭起約價值十萬元的Hermès Mini Lindy手袋的Louisa，她與穿上雨褸的盛勁為，二人絲毫無受大雨影響心情，依然笑容滿面，果然「勁甜麥」風雨同路！

網民不禁留言笑指：「你仲要呢個袋雨天出街兼配牛仔褲！勇！」Louisa亦笑留言笑自己：「係戇居，冇經大腦」。

圖片來源：麥明詩IG

呢個畫面，好笑又無奈!