福祿壽訓練學院｜「真‧假李龍基」首度同框合唱！本尊豁達面對被模仿

由阮兆祥、李思捷、王祖藍主持的香港首個扮嘢真人Show《福祿壽訓練學院》，周日（28日）八點半翡翠台播出第四集。

Professor Fuk（阮兆祥）、Professor Luk（王祖藍）及Professor Sau（李思捷）三隊在第四及第五集將首度交鋒，進行「復刻經典舞台」、「扮嘢電影短片」及「外景扮嘢挑戰」三個回合的扮嘢挑戰對決，首兩個回合分數由專業評審羅冠蘭及現場觀眾即場決定；三個回合總分第一名的一隊可全員留低，第二及第三名的隊伍將分別要淘汰一名及兩名學員。

三隊的「復刻舞台」造型各有睇頭，無論是祥師兄的「自由神像crossover武則天」樂壇天后Look、鄭詠謙的曾比特式爆炸頭、湯卓堅的「90%林子祥」，及Gordon及Carmen的「雌雄同體」造型均相當搶眼。

本集還有李龍基驚喜現身，與「李龍A」祖藍、「李龍B」祥師兄及「李龍C」思捷合唱《佛山贊先生》、《Country Road》、《男子漢》及《雲淡風清》。之前祖藍在節目中扮演「癡情基」引發熱討，如今「真‧假李龍基s」同框自然引爆期待值。對於李龍基大方現身節目，福祿壽既鼓舞又感動，真‧李龍基接受製作組訪問時，坦言一點也不介意別人模仿自己：「若然我畀人扮哩，我自己本身係開心嘅。世界上咁多人、千百萬人，點解要扮你呢？你有被扮嘅資格咯，都係一種榮幸嚟！」夠晒豁達。