東張西望丨76歲何伯為娶內地嫩妻與子女反目 網民熱議李龍基：香港聰明仔代表！

《東張西望》在昨晚播出的一集內容，是講述一位76歲老翁「何伯」，火速搭上了較他年輕逾30年的內地女人，二人極速閃婚。其後，何伯更與五名子女反目！原因是何伯指子女們認為新後母只是想騙光其身家；另一邊廂，何伯更發現小女兒已將銀行聯名戶口的450萬元取走，全部存款已經清零！

倒帶重溫少少昨晚播出的《東張西望》內容，76歲的老翁何伯在鏡頭前，拖着新婚妻何太在鏡頭大曬恩愛，何太身上戴逾13萬元、超過2卡的定情鑽戒，與及超過10萬的勞力士腕錶，兩人狀甚恩愛地聲稱是「結婚禮物」。何伯更公開愛的宣言：「我鍾意我老婆，佢要咩我都想畀佢。」何太更在節目播出時多次打斷何伯，搶着發言指責何伯的小女兒。節目尾聲，何太大爆被何伯子女唾罵，並激動爆喊說：「你死咗，將來你個細女嚟搵我算帳……」

節目出街後，老夫少妻故事旋即成為全城熱話，但網民幾乎一面倒支持小女兒做法：「唔知佢啲仔女以咩心情睇東張？」、「個細女幫咗你呀，仲好意思上電視！」、「啲仔女都幾慘，步入中年大把嘢煩，個鹹濕老豆仲要畀隻大陸X呃身家。」、「上電視個女人都穿金戴銀，耳環，頸鍊，手鍊，手錶，戒指，唔係金鑽石就係珍珠，本性表露晒出嚟啦！」

網民甚至連「基哥」李龍基都拖埋落水，留言盛讚基哥：「係香港聰明仔代表！」、「大家都係70幾歲，東張阿伯食緊4x歲中國大山婆，基哥食緊件3x中國正常樣中女，阿伯玩到眾叛親離，基哥玩到王祖藍請佢上節目」、「基哥仲成功樹立深情未婚夫不離不棄形象」。

看來基哥深得一眾網民的歡心，好嘢！