吳若希和麥美恩一對好姊妹,日前齊齊獲邀出席友人婚禮,而同場的《中年好聲音》評審之一的周國豐,原來也是婚禮的座上賓客,他在社交平台開心Share當晚婚禮花絮,當中婚禮最「爆」一幕,片中看到吳若希臨時獲安排上台獻唱,卻唱出自家的首本名曲《越難越愛》,呢首歌確實真係好好聽,不過如果放在婚禮上獻給一對新人,會唔會另類咗少少呢?
在周國豐的片段和網上截圖所見,吳若希和麥美恩看似是臨時拉夫上台獻唱,吳若希即高歌一曲《越難越愛》,相信大家都記得呢首歌是TVB經典劇集《使徒行者》的插曲,意思用作描述劇中幾對主角的愛情刻骨經歷,果然是又痛、又難、又要愛!在婚禮上獻唱,似乎多了一份肉緊,少了一點甜蜜吧。
不過,一眾現場賓客一於少理,還非常陶醉舉起手機拍片,一對孖公仔更越唱越High,幸好未有尷尬情況出現。連周國豐都忍不住留言說:「完全想像唔到婚宴上唱 《越難越愛》,即係無論遇上咩困難,都愈來愈愛......呢兩位靚女吳若希、麥美恩,嘈到你呢!」
圖片來源:周國豐IG
孖公仔!
非常高興!