梁諾妍曬完Sir Face 2.0「一屋洪永城」 突然無預警胸部紅腫入院？

洪永城與太太梁諾妍（Inez）剛誕二寶女兒「Sir Face 2.0」Beryl，日前才開心甫出一對愛女的萌爆相，還笑指老公基因太強大，認真「離晒大譜」，現在家中是「一屋洪永城」！未料，Inez在社交平台短暫消失，原來她自揭胸部紅腫，搞到連日發高燒要入院？

Inez在社交平台交代入院細節：「由周六晚開始發燒，半夜更發冷、骨痛兼體力不支，但五合一檢測結果仍呈一線，諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙，有試過2次過咗7個鐘先泵，又因為我量多嘅關係，應該已經塞咗。」

Inez續指，因持續高燒不退，才到去醫院看急症：「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」

不過她的病情依然反覆，只好多休息、多飲水、按時食藥、食補充劑、埋身親餵母乳、每兩至三小時泵一次奶，以及餵奶前敷熱毛巾和餵後敷凍椰菜等，幸好最後Inez身體終於有好轉：「雖然個胸仲係又紅又腫又痛，冇發燒我已經覺得打贏咗一半，因為如果太嚴重要用針抽膿／做手術開（打）開個乳頭放膿，omg希望冇呢一日。」

Inez不忘寄語媽媽們：「千祈唔好好似我咁，辛苦到唔多識形容，個胸都痛到唔識形容。泵都唔好過4-5個鐘，真係會好易塞定時要按摩，吃都要吃得清淡嘟啲（我肯定係星期四食完糯米出事）。」

圖片來源：梁諾妍IG

一屋洪永城，基因太強大了吧!一屋洪永城，基因太強大了吧!