靚湯生日好快樂 老公馬國明好識做冧爆講I Love You閃到盲

馬國明與湯洛雯自去年底於泰國蘇梅島結成夫婦，二人一直愛得高調。昨日適逢靚湯正日生日，之前有「鐵馬家族」、「2Line黨」等兄弟姊妹慶生，正日當然要留畀老公仔馬明！靚湯在社交平台分享二人世界的慶生短片，差點閃到盲！

片中截圖所見，二人到了高級餐廳撐枱腳，馬明相當識做，送上靚花束給靚湯，逗得靚湯全場冧爆甜笑，二人對着鏡頭貼頭自拍期間，馬國明更情不自禁表示：「I love you」！雖然片段到了最後二人準備Kiss時就cut了，但壽星女仍甜爆寫上：「他不是一個會給別人驚喜，更不算是一個浪漫的人，但是他就是那一種只要你跟他說過，他便不會忘記嘗試努力做好的另一半，謝謝你為我改變，這已經是最好的生日禮物 @kennethmkm。」

網民都紛紛留言表示：「臨尾個kiss做咩cut左」、「快啲生BB啦」、「閃到盲啦」，另有人表示，靚湯的巨型鑽戒非常搶fo，好幸福呀！

圖片來源：湯洛雯IG

好甜呀!都吾夠靚湯手上的戒搶FO!馬明好識做!好開心!靚湯生日快樂!