新劇集《 美麗戰場 》一眾演員要喺酷熱天氣下拍攝，陳瀅、蔣家旻呢日因劇情被挾持做人質，又熱又辛苦，導演同蔣家旻萬歲西瓜為大家消暑，原來拍攝《 美麗戰場 》期間美食吃不停，眾演員仲互爆邊個先係最為食。

東張西望為你直擊香港民生時事：https://bit.ly/35Ba1zK

想免費睇番呢集嘅精彩內容? 登入myTV SUPER免費點播最近7日TVB自製節目:

阿Bob林盛斌同Moon劉珮玥呢對「霸道總裁愛上我」嘅CP深得觀眾歡迎，18號晚播出嘅劇集《美麗戰場》入面，阿Bob呢位霸道總裁徐富貴，打算以銀彈攻勢嚟攻陷Moon飾演嘅靜兒，點知女方完全不為所動，富貴哥見到靜兒呢個舉動即時沉晒船，仲改為以感人身世嚟打動對方。
富貴哥好惡
貴富哥帶靜兒去自己發跡前嘅地方，再細訴以前捱窮嘅歲月，當貴富哥講到遇到好心老闆不斷請食免費餐助佢渡難關，但當自己發達後卻發現對方已經離世呢段戲，唔只感動到靜兒，仲感動到唔少觀眾，大家仲去到Bob嘅官方社文平台留言大讚：「Bob都好啱煽情」、「霎時感動咗」、「玩啤牌有氣勢、最尾食飯嗰幕好感人」、 「今年最佳男配角」、「Moon同Bob好有化學作用」、「一個大男人需要一個食得住佢嘅女人」，仲話希望佢哋呢對CP可以多啲出場。
Bob同Moon呢對CP深得觀眾歡心
對於短短一個鐘就收穫500幾個like，阿Bob接受訪問嗰陣多謝大家嘅支持，佢話徐富貴呢個角色一時好癲、一時好沙塵，但又會突然好暖男，Bob話演起上嚟都頗有難度，所以佢好多謝葉念琛教佢點處理，亦好多謝阿Moon喺現場畀安全感同信心佢，阿Bob仲預告徐富貴之後嘅暖男行動仲會升級，叫大家記得留意。而導演葉念琛亦對阿Bob讚不絕口，仲話自己同網民一樣，睇好阿Bob可以殺入今年男配五強。

台慶劇《美麗戰場》 星期一至五 21:30 翡翠台
觀眾話想佢哋多啲出場呀