各大隧道政府設「提提你」廣播 溫提三大詐騙類型

警方今年首三季錄得詐騙案宗數，較去年同期增加4成，當中超過7成與網上騙案有關，警務處處長蕭澤頤引述調查指「每5宗騙案受害者就有1個出現自殺傾向」，故必須「救得一個得一個」，避免令市民蒙受損失，昨日（25日）起已開始在各大政府轄下隧道進行「植入式廣播」，配合其他電視台及電台的介紹，全方位提醒巿民提防網購、投資騙局及電話騙案三大類型騙案， 令開車中巿民透過收到訊息「直接打入腦」緊記提防。

消息指，警方在隧道內廣播訊息介乎8至13秒，均由一把女聲演繹，「公安及內地官員一定唔會打俾你查案！話有你嘅個人資料？仲叫你交銀行資料同密碼？騙案嚟㗎！即打18222舉報啦。」；「上網購物唔想俾人呃，記得check吓防騙視伏器！記住，防騙視伏器幫到你！」；「網上識咗個投資達人話幫你投資，仲叫你瞓身兼加碼？騙案嚟㗎！即打18222舉報啦。」