有港女在網上發文分享指，以「細佬帶埋女朋友一齊嚟提早做節，結果媽咪黑足成晚面」為題發文，提到由於父母即將去旅行，直到年初二(23日)才回港，因此決定提早做節。她指，弟弟這次亦願意帶同女朋友一同出席順道「見家長」，因此母親甚為開心。她續指，最終與姑媽及表弟一共7個人一同用餐，而父親則揚言會支付用餐的費用，「叫細佬女朋友話事想食咩就叫」，並指「細佬女朋友都好有禮貌，問晒大家有冇啲咩唔食先，又問叫呢啲餸好唔好。落單嗰陣細佬女朋友自己叫，班長輩自己傾計所以冇人知其實叫左幾多嘢」。沒料到在上菜時卻出現問題，「佢叫咗7個餸+一個湯，7個人食有啲多，但係細佬女朋友個心態係一人一樣餸得體啲」。

樓主指，姑媽隨即出言諷刺，「乜做節叫7個餸咁吉利呀？」，「仲話係媽咪冇教好佢就帶細佬女朋友出嚟失禮人，聽見有人請食飯就叫咁多個餸」。樓主則認為，「其實個湯有湯渣照計一個餸都得啫，咁多意見叫嘢食嗰陣又唔出聲。後生個輩仲有幾多人會計呢啲意頭嘢呀，後生唔識咪教識佢囉，真係有必要咁樣講嘢咩」。樓主續指，母親當時在聞言後「黑晒面」，並指「我哋知媽咪唔係嬲細佬女朋友，但係細佬女朋友就唔知，仲以為自己做錯嘢」，又直言「呢啲小事又係大家坐低做節食飯，真係有必要咁講野咩？」

網民批評樓主姑媽的行為，並指「睇嚟係個姑媽衰多口咗喎，個女朋友又唔係佢個仔嘅，關佢叉事咩?」、「叫姑媽收口啦」、「姑媽擺明搞事，下次唔好搵她」、「根本就係姑媽想搞事，咪就係呢啲唯恐天下不亂嘅人囉」等。有人則指出7個餸加一個湯沒有問題，「湯係計一個餸，所以無問題」、「咁都計七？ 係你姑媽唔識數啫」、「連湯八個有咩問題？三姑六婆最麻煩」、「完全睇唔明問題係邊。七餸一湯，一共八樣有咩問題，去飲都係咁的配搭」。

有人則認為7個餸只是藉口，並指「好明顯係大姑奶唔妥你媽咪，借啲意話你媽咪，真係親親戚戚有害無益」、「擺明個姑媽同你阿媽唔啱，最有問題就係個姑媽，令你媽難堪」等。另有人則批評樓主弟弟「唔識做」，並指「下次咁嘅情況，個細佬好應該快快補多句叫多個菜要咩嘢好，或者補飛問要唔要叫少個嘛，咁咪快快解決到囉」、「無理由個客拍板點菜，應該男方點，落實之前再問咁叫有無意見，廢事畀人有位入。個男朋友又係唔得醒目」、「第一次見面食飯點可能畀佢做落單嗰個，你細佬應該出嚟話咁大家冇咩意見就我話事啦」。

近日，有將軍澳街坊在Facebook群組上發文，分享疑似遇上「請食飯黨」的經歷。他指周四（25日）晚上約7時半，於區內的新都城二期商場遇到2名女子，兩人走近以普通話問他「寶琳邨點去」，他不以為意，好心指路後便打算離開，但女子「打蛇隨棍上」，再問他能否請飯。但是，樓主卻發現兩名女子「身光頸靚」，更手持名牌手袋，目測不似有經濟困難，因此用醒目方法擊退，先不慌不忙爽快答應請食飯的要求，令兩人以為得手放下戒心，繼而再取出手機拍下兩人的相片，「佢哋就拔足逃去」。
將軍澳街坊指，「挽住個LV唔知係A貨定咩，叫人請食飯，搵鬼信咩，裝過身先啦」、「有手有腳周街乞食，專揀啲老人家埋手」、「帶佢哋去賣咗個袋佢咪有飯食，三期個邊有間收袋㗎好似」；另有網民稱認出相中女子，指她們近日經常於區內流連，要求路人請食飯，並大讚樓主的處理手法，「做法正確，已經有一段長時間了，最主要是問你攞錢食飯」、「我在康城商場都遇到過，我一樣拎電話，佢9秒9走咗」、「近來將軍澳出現好多，前兩晚在坑口出現，鏟佢兩句即彈走，留意附近有冇男子同黨」。