樓主在香港討論區上以「原來靚女同事𢭃利市都着數啲」為題發文，說他早前與同事討論聊天，其間談到「唔知老細今年會派幾多錢嘅開工利市」。由於他記得上年老闆的開工利市只有20元，所以認為今年都會相約，「少到連一個M記餐都買唔起」。就在此時，靚女同事就為老闆說好話，「話老細份人都幾大方呀，上年封咗500蚊開工利市畀佢！」。由於靚女同事「爆響口」，令樓主十分難受，「明明我同嗰位靚女同事入職時間都差唔多，職位都一樣，點解老細派嘅利市相差咁多嘅！」，質疑靚女𢭃利市有更多好處。

網民笑言「靚女不嬲都着數啲，你唔係唔知呀嘛？」、「你都識得講靚女啦」、「係咁㗎啦」、「靚女做乜都着數啦，好正常」。不過亦有人認為樓主老闆的做法並不理想，「都差幾遠喔」、「可能係着數啲，但都要睇下老細男定女啦」、「你女同事嗰啲特別利市唔同啦，不過你$20又好似少得滯」。

李克勤 時隔多年後再同 港樂 合作嘅7場音樂會，呢晚舉行最後一場演出，除咗 張敬軒 黎姿 陳慧嫻 同 狄波拉 都慕名捧場之外，呢晚仲有一位重量級嘉賓 劉德華 為克勤擔任嘉賓，克勤仲話華仔對自己有好大影響力呀。

唱住《如果有一天》驚喜現身嘅華仔，仲喺台上講到，自己上次演唱會因為身體不適而忍痛要腰斬，當時唱嘅最後一首歌就係《如果有一天》，所以就有好深感受喇。

去到最後一場，克勤似乎亦相當感觸，佢提到大仔Ryan亦已經15歲，但係日前仲同啱啱18歲嘅 炎明熹 合唱情歌，都唔知點投入好。其實克勤係想表達時間飛快，加上疫情幾年之後更學會珍惜，亦再次多謝台下歌迷支持。

完場後現場歌迷一直大叫「Encore」，克勤亦難抵大家嘅熱情，叫足15分鐘之後再次出場。事後佢仲話自己死忍眼淚，但係期間就爭啲感動失守喇。佢又話開騷係開心事，所以盡量都唔想喊，仲話收禮物利是收到手軟，可能係開埠以來收利是最多嘅歌手呀。