「利是」本來是一種心意，一種習俗，但不少人卻十分介意數目多少。例如一名樓主便在討論區貼文對利是太CHEAP表達了不滿：「2023年仲有人比$10利是？」他滿肚怨氣，新年流流都毒舌起來：「一年先見一次，真係要多謝你比$10我洗，真係好X野，遲下帛金一定比夠$11你！」

隨即有網友附和，認同這數目實在過份：「20年前$10/$20，20年後都係，通脹至少$50啦！」

亦有網友不屑他所言，認為親戚可能另有苦衷：「本身已經窮仲要派錢畀你仲想點？」

有網友則嘲諷樓主：「利是=投資，證明佢唔睇好樓主」、「你係值$10既親戚黎架咋」、「$10利是肉酸，樓豬上黎唱，仲X肉酸」、「咁同我哋講有咩用？唔夠膽當面同人講？」

另有網友安撫他一番，認為更差的行徑也有：「都係心意啫，肯派咪算好囉，好過啲身光頸靚嘅離遠見到都兜路走！」

不時都會爆出唔少驚喜嘅處境劇《愛．回家之開心速遞》，一向都非常受觀眾歡迎，而近日佢哋為大家送上最新嘅兔年禮物，就係邀請咗 Gigi炎明熹 客串，早前我哋就獨家直擊咗拍攝嘅過程喇。

Gigi呢次演出雖然只係做返自己，不過佢都一樣做足功課，本身已經係《愛．回家》迷嘅佢，仲話要同晚晚「見面」嘅各位演員合作，諗起已經非常緊張，老友手汗仲出哂嚟同大家Say Hi咁話喎。

話晒都係劇迷之一，Gigi就話自己最深印象就係早前播出，熊若水成為唧暗瘡達人嘅一集喇，仲幻想自己可以客串呢一集演出呀。Gigi兔年一開就有非常好成績，好似歲晚就先後受邀演出央視同廣東衛視兩個大型春晚喇，Gigi仲話非常榮幸有份參與演出，仲獲成龍大哥現場指點呀。

除咗大型演出之外，Gigi又喺幾個內地大型頒獎禮接連得獎，佢就話每一個獎項對自己都非常重要，亦係自己最大嘅推動力，仲要非常感謝一直協助自己嘅幕後工作人員咁話呀。過年期間Gigi亦趁放假返家鄉同屋企人共聚，Gigi仲準備咗大利是送俾家人，表達自己嘅孝心呀。