論盡舞獅「扯塌天花」網民大嘲：開年就要破財擋災

城中熱話

2023-02-03 16:29

近日再有網民在facebook討論區上載醒獅甩轆短片，見到醒獅隊在一辦公室內採青時不但失手，更採至假天花塌下，情況狼狽尷尬又論盡得有點搞笑。

網民感嘆「真係大吉利是囉」、「開年就要破財擋災」，直情是「祝你：財源廣進去人地個袋」，有人則補鑊指是「落地開花富貴榮華」、「鴻運當頭」。另有網友形容「呢招叫石破天驚獅吼功，證明咗隻獅生猛極具霸氣，呢隻獅嘅利是要大封D」。對於採青禍及假天花，有網民言指「應該用剪刀時你又唔用」、「用鉸剪丫麻天才」，並擔心醒獅隊此行「無得賺仲要賠返錢」。另有人笑言「搵隻獅驗樓一流，豆腐渣工程無所遁形」；有人則從生物科角度去看，指「貓科動物，都鍾意搞破壞」。