車CAM直擊｜中環工字鐵跌出貨車瀡落街尾 險撞工人私家車

中環昨日（30日）發生驚險事件。早上9時許，多名工人在威靈頓街的路邊工作期間，貨車上一條長約4米的工字鐵突然跌出車外，之後更沿斜路一直「瀡」，險些撞到工人和途經車輛，險象環生。從片段可見，一名工人見狀原本打算冒險，上前用血肉之軀頂住，但所幸千鈞一髮間工人改變主意後退，逃過一劫。
有網民形容片中工人「仲好冷靜拎埋兩個雪糕筒去追」，但亦有人指出，涉事工字鐵重量相信達3噸或以上，「撞到起碼斷腳」，即使工人「追到條鐵都無能力截得住」，惟工人追着工字鐵，「起碼通知後面D（啲）人同車安全，好過咩都唔做」。