違法單車猖獗｜元朗行人路變單車徑？！ 觀眾投訴：紅燈綠燈都照衝 仲要你讓佢！

元朗近年行人路上踩單車的情況越來越嚴重，元朗街坊向東張西望投訴，說很多單車友不遵守交通規則，包括普通單車和電動單車，嚴重影響途人安全，希望當局設法改善問題！

觀眾王小姐（化名）接受「東張+」記者 訪問說，近年區內行人路單車情況非常嚴重，單車和電動單車比例大概一半半，「在路上亂咁片，亂咁行，馬路都照行，紅燈、綠燈都是照衝」

王小姐說：「短短5分鐘路程就可以見到好多，速度仲好快，橫衝直撞，行人綠燈佢地就行行人既路，車嗰邊綠燈佢地就踩番去車路，有時候車上面載埋小朋友，仲有好多電動車添，非常之危險。」

「有時前面有行人阻住去路，佢地仲會響單車上面既鐘，囗吻同態度都好差，要你一定要讓佢，完全唔知自己犯左法違左規， 數量真係好多！」王小姐抱怨說。

「行人路本身已經好窄，佢地係行人路再踩埋單車，真係好危險，隨時撞親人。」王小姐稱，自己其實曾經發電郵向當局投訴，據說執法部門回覆說正在跟進，但路上實在很多單車和電單車，希望報東張引起居民也多加注意。